Dili, 07 abríl 2026 - Sua Exelénsia Ministra Edukasaun Dra.Dulce de Jesus Soares no Country Director World Healt Organition (WHO) Dr. Arvind Mathur hamutuk ho Country Director KOICA Sra. Young Hwa Kang halo serimónia handover textbooks ba kurrikulu siklu datoluk husi ensinu báziku iha sala konferénsia Ministériu Edukasaun Vila-Verde.

Nune'e iha intevensaun Sua Exelénsia Ministra Edukasaun Dra.Dulce de Jesus Soares hatete, kurrikulu ida define asuntu barak - saida mak atu hanorin, oinsá atu hanorin , no oinsá atu avalia estudante sira-nia koñesimentu no kompetensia sira . Kurríkulu ensinu báziku nian mak importante tebes ba Ministériu ida-ne'e no ba nasaun tomak , tanba ne'e mak nivel eskolár ne'ebé obrigatóriu, gratuitu no universál no buat ne'ebé estudante ida aprende durante tinan 9 ne'e mak baze ba koñesimentu ne'ebé sidadaun timoroan hotu tenke hatene. Ida - ne'e inklui iha área lian , matemátika , siénsia no mós - saúde.

" Saúde no ben- estar mak matéria ne'ebé importante , tanba prepara ita-nia estudante sira ba oinsá atu moris ho saudável iha situasaun mundu reál oioin ne'ebé mai fó asisténsia ba ita. Ha'u komprende katak ida-ne'e mak serimónia entrega ba livru Saúde no Edukasaun Fizika ba klase 7 no 8 , maibé tuir loloos eventu ida-ne'e presiza rekoñese atividade barak liután.

Membru Governu ne'e esplika, WHO ajuda ona iha elaborasaun livru sira-ne'e , tantu liuhusi fó konsellu tekniku no mós apoia profesionál saúde nian ida atu garante katak konteúdu sira-ne'e loloos teknikamente husi pontu de vista saúde nian no WHO mós fó apoiu ba impresaun livru sira-ne'ebé iha ona.

Livru Saúde no Edukasaun Fiziku klase 7 nian distribui ona diretamente ba eskola sira Maski uza ona biblioteka dijital no koko atu garante asesu online ba materiál didátiku hotu, maibé sei difisil nafatin ba profesór ida atu hanorin se laiha livru . Tan ne'e , apoiu ba impresaun no distribuisaun livru sira - ne'e ajuda tebes . Ha'u komprende katak livru saúde nian ba klase 8 mós sei imprime hela daudaun no Ida-ne'e importante tebes no Ministériu presiza duni.

#EliasdaCosta

#MédiaME