DÍLI, 08 Abril 2026: Ekipa konjunta lidera hosi 𝐒𝐞𝐤𝐫𝐞𝐭á𝐫𝐢𝐮 𝐄𝐬𝐭𝐚𝐝𝐮 𝐀𝐬𝐮𝐧𝐭𝐮 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐒𝐄𝐀𝐓𝐎𝐔), 𝐆𝐞𝐫𝐦𝐚𝐧𝐨 𝐒𝐚𝐧𝐭𝐚 𝐁𝐫𝐢𝐭𝐞𝐬 𝐃𝐢𝐚𝐬 hamutuk ho 𝐂𝐡𝐞𝐟𝐞-𝐆𝐚𝐛𝐢𝐧𝐞𝐭𝐞 𝐌𝐎𝐏, 𝐂𝐫𝐢𝐬𝐭𝐨𝐯ã𝐨 𝐅𝐚𝐮𝐬𝐭𝐨 𝐆𝐮𝐭𝐞𝐫𝐫𝐞𝐬 no 𝐄𝐤𝐢𝐩𝐚 𝐓𝐞𝐤𝐧𝐢𝐤𝐮 𝐌𝐢𝐧𝐢𝐬𝐭𝐞𝐫𝐢𝐮 𝐎𝐛𝐫𝐚𝐬 𝐏ú𝐛𝐥𝐢𝐤𝐚𝐬, hala’o diálogu ho komunidade afetadu sira kona-ba alargamentu estrada iha suku Manleuana.

Diálogu ne'e nu'udar kontinuasaun husi sorumutuk sira ne’ebé antes ekipa konjunta halo ona ho komunidade afetadu sira, iha sorumutuk ne’e rasik ekipa teknika MOP reforsa hodi aprezenta kona-ba dezeñu estrada ne’ebé planeia ho luan metru 18, husi Rotunda Elemloi to'o Rate-Ain, inklui mós atu klarifika kona-ba dezentendimentu ne'ebé mosu iha terrenu wainhira ekipa tekniku MOP ba halo levantamentu dadus iha tersa-feira semana ne’e.

Sekretáriu Estadu Asuntu Toponímia no Organizasaun Urbana no ekipa tekniku MOP hato’o puntu importante planu governu nian kona-ba moderniza infraestrutura tuir Planu Estratéjiku hodi prepara infraestrutura estrada nian ne'ebé sustentável ba future iha kapital Nasaun.

SEATOU, husu ba maluk afetadu sira hotu atu koopera di'ak ho tékniku sira husi Ministériu Obras Públikas (MOP), no Terras e Propiadades, ne'ebé sei ba foti dadus iha terrenu. Ita-boot sira-nia apoiu hodi fó informasaun ne'ebé loos importante tebes atu fasilita prosesu levantamentu dadus ne'e bele la'o ho lalais no loloos.