𝐋𝐨𝐞𝐬, 𝟎𝟖 𝐀𝐛𝐫𝐢𝐥 𝟐𝟎𝟐𝟓 | Sua Eselénsia Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨, 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏, halo vizita ba Kompañia Timoroan Happy Farm ne'ebe hala'o atividade hanesan hakiak Manu Tolun (Ayam Petelur) iha Aldeia Kaibair, Suku Vatuboro, Postu Administrativu Loes, Munisípiu Likisa.

Objetivu husi vizita ida ne'e atu hare direta Kompañia Happy Farm ne'ebe hetan estragus kauza husi udan bo'ot iha loron 18 fulan Marsu tinan ida ne'e.

Iha vizita ne'e Supervisor Kompañia Happy Farm Sr. Armindo De Jesus, Lic.Dir., hatete katak udan bo'ot ne'e hod hamosu inundasaun no sobu hotu drainajen sira inklui manu luhan balun. Nia hatutan tan katak kauza husi inundasaun ne'e estraga mós manu nia hahan kuaze saku lima-nulu (50) ne'ebe ho hokilograma lima-nulu (50kg) kada saku no Manu Grower atus rua, lima-nulu (250) mak mate.