Dili, 08 Abril 2026; Vise-Ministru ba Operasionalizasaun Ospitál (VMOH-sigla portugés) dr. Flávio Brandão Mendes de Araújo ofisialmente simu ekipamentus médiku ho non-médiku ne'ebé apoiu hosi ONG LDS Charites mak hanesan; kareta Ambulánsia ida no kareta Operasionál ida ba Ministériu Saúde hodi suporta ba programa kuidadus paliativus iha Timor-Leste.

Programa kuidadus paliativus ne'e nu'udar programa governu nian liuhosi Ministériu Saúde implementa programa refere, nune'e pesoál saúde sira bele fó atendimentu dignu ba pasiente sira.

"Iha tinan ida-ne’e ita implementa kuidadus paliativus no suportivu ne’ebé parte husi nonu governu nia programa iha Ministériu Saúde, implementasaun ida-ne'e ita hetan suporta hosi ONG LDS Charites ne'ebé halo doasaun ambulánsia ida (1) no kareta operasionál ida (1) hodi suporta programa kuidadus paliativus no suportivu, ne’e inísiu ita halo, ita hakarak kuidadu paliativu sai modalidade ida ne’ebé eziste no atu halo servisu ida ne’ebé di’ak liu iha ita-nia rain", Dehan VMOH.

Kuidadus paliativus ne’e kuidadus ida ne’ebé mak la’os de'it haree ba fízika maibé fó atensaun ba ita-nia mentál no espirituál.

Iha biban ne'e VMOH agradese ba NGO LDS Charities ne'ebé apoiu ona ekipamentus, no ba futuru kontinua halo kooperasaun di'ak ho NGO LDS Charities nomós NGO sira seluk.

Serimónia ne'e hala'o iha salaun enkontru Kuidadus paliativus, Lahane, no partisipa husi Reprezentante The Crursh Jesus Chirst Of Latter-day Sants (LDS) Elder Esteat ho ekipa, Diretór Gerál Servisu Hospitalar, no mós pesoál Saúde sira.