Bobonaro, 7 de Abríl 2026,- Sua Exelénsia Sekretáriu Estadu ESJ-ESTV Sr.Domingos Lopes Lemos akompaña Sua Exelénsia Prezidente Repúblika Demokrátika Timor-Leste (RDTL) Dr.José Ramos-Horta hala'o vizita ba Eskola Sekundáriu Tékniku Vokasionál Dom Bosco Maumali Maliana iha Terça-feira ne'e.

Iha diskursu Sua Exelénsia Sekretáriu Estadu ESJ-ESTV Sr.Domingos Lopes Lemos hateten ho onra boot tebes no sentidu devér mak akompaña Sua Exelénsia Prezidente Repúblika Demokrátika Timor-Leste hala'o vizita mai iha fatin ida-ne’e tuir natureza nu'udar espasu esperansa nian ba futuru Timor-Leste nian.

"Tanba ne'e Eskola Tékniku-Vokasionál Sekundária Dom Bosco Maumali la'ós de'it sentru hanorin nian maka espasu ida-ne'ebé foin-sa'e sira nia karakter no profisionalizmu hetan forma, Liuhusi kursu Tékniku Eletrisidade no Jestaun no Ekipamentus Informátikus, eskola ida-ne'e hatán diretamente ba nesesidade sira merkadu traballu modernu nian, hodi fó kbiit ba ita-nia joven sira atu sai promotór ba dezenvolvimentu nasionál.

Governante ne'e hatutan tan, katak Dom Bosco nia vizaun saleziana hakat liu téknika. Iha-ne'e, preparasaun foin-sa'e sira nian mak olistiku rigór inteletuál kombina ho formasaun umana no relijioza, hodi garante katak, aleinde sai profisionál exelente, foin-sa'e sira-ne'e sai husi ne'e nu'udar sidadaun loos, orientadu husi valór étika no servisu ba komunidade.

Jornaista Eurico

#MédiaME