Díli, 09 abril 2026___ Ohin Sekretaria Estadu ba Igualdade-SEI, Liderada husi Sua Exelénsia, Elvina Sousa Carvalho no akompaña husi Diretor Jeral-SEI, Sr.Armando da Costa, Diretora Nasional Polítika Igualdade Jéneru, Sra.Olga da Costa Monteiro, Xefe Deparamentu Prevensaun no Kombate Violénsia Bazeia ba Jéneru, Sra. Avia Costa Partisipa iha Audensia Públika kona-bá proposta lei nú. 16/VI/(3a) ne'ebé organiza husi Komisaun A trata Asuntu Konstituisionais no Justisa.

Audensia ne’e hala’o iha salaun enkontru Grupu Mulheres Parlamentar Timor-Leste iha Parlamentu Nasional no marka prezensa husi entidade sira hanesan Ministeriu Justisa, Vice Ministru Asuntu Parlamentares, Ministeriu Administrasaun Estatál.

Audensia ne’e rasik prezide hosi Prezidente Komisaun A ne’ebé trata kona-bá Asuntu Konstitusionis no Justisa, iha Parlamentu Nasionál, Destintu Deputadu Natalino do Santos, hamutuk ho destintu deputado sira ne’ebé integra iha komisaun espesializada ne’e.

Objetivu prinsipál hosi audiénsia ida-ne’e, atu rona kle’an inisiativa sira ne’ebé atualmente promove husi proponente sira, liuhosi Deputadu sira hosi Komisaun A, ne’ebé trata kona-ba asuntu Konstitusionais no Justisa iha Parlamentu Nasionál bá prosesu alterasaun lejislasaun eleitorál tenke halo ho transparénsia, inkluzivu, no responsabilidade, atu asegura sistema eleitorál ne'ebé forte, kredível, no refleta vontade povu nian.

Iha Audensia ne’e marka prezensa husi Entidade sira mak hanesan Sekretaria Estadub a Igualdade reprezenta direitamente husi Sua Exelénsia Elvina Sousa Carvalho, Sua Exelensia Ministru-Justisa, hamutuk ho Vise-Ministru Asuntus Parlamentares, Adérito Hugo da Costa, Sekretáriu Estadu Dezenvolvimentu Lokál, Mateus dos Santos Tallo, Asesor/a no Dirijente sira .

# Média SEI