Asuntu : 𝐊𝐔𝐃𝐀 𝐀𝐈-𝐏𝐀𝐑𝐀𝐏𝐀 𝐈𝐇𝐀 𝐋𝐀𝐆𝐎𝐀 𝐓𝐀𝐒𝐈-𝐓𝐎𝐋𝐔 𝐃Í𝐋𝐈, 𝟏𝟏 𝐒𝐄𝐓𝐄𝐌𝐁𝐑𝐔 𝟐𝟎𝟐𝟓 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, kinta ne’e ho Sekretáriu Estadu Florestas, Eng. Fernandino Vieira da Costa, hamutuk ho Funsionáriu no Estudante sira kuda ai-parapa iha área tasi-tolu, aldeia 12 de Outubru, Suku Comoro, Postu Administrativu Dom Aleixo, Munisípiu Díli. Tema ba Atividade ne’e mak “Hamutuk ita kuda ai-parapa hodi konserva área protejida Lagoa Tasi-tolu”. Antes kuda ai-parapa rihun 6 resin iha tasi-tolu, diálogu ho Autoridade Lokál, Funsionáriu no Estudante sira, Sekretáriu Estadu Peskas husu atu konserva tasi ibun liuhosi kuda ai-oan barak. “Ita-nia rai agora maran los, ne’e tanba ita tesi ai arbiru, ai-hun ida ita kuda hodi tempu naruk foin bele boot, maibé ema ida de’it bele tesi hun sanulu iha oras ida nia laran”. Tan ne’e nia alerta atu hamatak fila fali foho lolon no tasi ibun sira liuhosi atividade kuda ai-oan, hodi nune’e bele konserva fali rai no balada fuik sira, hanesan manu fuik no espesies sira iha tasi laran. “Ita mak estrga, agora ita mak tenke konserva fali, tanba eroi sira sakrefika ona sira-nia vida ba rai ne’e hodi tau konfiansa ba ita atu kontinua kontribui ba dezenvolve rai ida ne’e”. Ikus nia husu liuliu ba estudante sira atu ida-idak fila ba uma hatete ba inan no aman sira hodi labele tesi ai no soe lixu arbiru, tanba Timor-Leste responsabilidade ema hotu-hotu nian.
Data Publica : 11 Sep 2025
Descrisaun :
