DÍLI-Kinta, 09/04/2026.

Vise-Ministra Finansas Sra. Regina de Jesus de Sousa, halo abertura ba atividade tezouru nian, kona-ba sesaun traballu progresu rekolla reseitas no ezekusaun orsamentu jerál estadu iha primeiru trimestre 2026, atividade ne’e hala’o iha salaun Auditorium Kay-Rala Xana Gusmão, Iha Ministériu Finansas, Aitarak-Laran.

Durante reuniaun foka liu ba nivel ezekusaun orsamentu kada ministériu no ajensia sira, bazeia ba dekretu lei No. 8/2026. avaliasaun ne’e importante atu garante katak rekursu estadu uza ho efisiente no tuir planu ne`ebe determina ona.

Bazeia ba Dekretu-Lei No. 42/2025 iha loron 15 Dezembru, regula Lei No. 3/2025, loron 23 fulan-Abril tinan 2020 nian kona-ba kuadru Orsamentu Jerál Estadu no Jestaun Finanseira Públika, ne'ebé estipula iha artigu 111°kona-ba publisidade, iha alinea 3 sita submisaun relatóriu ezekusaun no dezempeñu orsamentu trimestral ba Parlamentu Nasional no Kamara Kontas.

Bazeia legais ne'ebé demostra maka Ministériu Finansas, hakarak konvida Diretúr Jeral, Diretur Nasional no Xefe Unidade ne'ebé servisu iha area administrasaun finansas no kontabilidade husi Orgaun Servisu no Entidade Setór Públiku Administrativu no RAEOA atu marka prezensa iha sesaun traballu kona-ba progresu ezekusaun reseitas no despezas iha primeiru trimestre 2026.

Realiza sesaun traballu ne'e ho objetivu atu informa ba Orgaun Servisu no Entidade Setór Públiku Administrativu no RAEOA, atu asegura iha dixíplina ezekusaun Orsamentu Jerál Estau 2026 tuir plafon ezekusaun ideal (25%) kada trimestral.

Ministériu Finansas, hakarak rona dezafiu sira ne'ebé infrenta iha prosesu ezekusaun orsamentu husi Orgaun servisu entidade setór públiku administrativu, no RAEOA hodi fó solusaun no asisténsia imediata tuir nesesidade.

Tanba sesaun traballu ne’e importante tebes nune’e, husu ba ita boot sira atu partisipa maximu, liu-liu kargu diresaun sira hanesan, diretur jeral, diretur nasional, xefe unidade ne’ebé iha responsabilidade ba area administrasaun finansas no kontabilidade.

#Foto #Ekipa #Media #Ministeriufinansas