DÍLI-Kuarta, 8/04/2026

Ministériu Finansas liuhusi Diresaun Nasional Planeamentu (DNP) Sr. Amilton Soares Amaral Lemos, halo abertura forum dialogu juventude kona-ba páz, seguransa, rekonsiliasaun no koezaun sosial iha Timor-Leste, atividade ne’e realiza iha salaun Ministériu Finansas, Aitarak-Laran.

Eventu ne'e, organiza husi Southeast Asian Luomen Peace Mediators (SEAWPM) ho kolaborasaon ho sentru nasional chega (CNC), Ministériu Finansas no reprezentante Sosiedade Sivil, Juventude Sira Seluk. Forum ne’e hetan apoiu Jenerózu husi Gorernu Australia iha Timor-Leste.

Diresaun Jeral Planeamentu Orsamentu liuhusi Diresaun Diretor Nasional Planeamentu (DNP) Sr. Amilton Soares Amaral Lemos, hatete, governu kontínua fó apoiu ba inisiativa sira ne’ebé envolve juventude atu sai ajente transformador dezenvolvimentu no dame iha país ida ne’e.

Iha tempu hanesan, reprezentante husi Embaixada Austrália Timor-leste, sr. Edward Wilkinson ,mós reafirma nia kompromisu atu servisu hamutuk ho Timor-Leste hodi promove estabilidade sosial no progresu sustentável.

“Fórum ne’e halo atu fó oportunidade ba juventude sira hodi fahe hanoin, esperiénsia no ideia kona-ba oinsá hametin dame, promove rekonsiliasaun no hadi’a koezaun sosial iha komunidade”, Dehan Edward Wilkinson.

Embaixador hateten, Papel juventude importante tebes atu hametin unidade nasional no prevene konflitu iha futuru no onra boot ba foinsa’e sira la’os de’it ba iha diskusaun maibé ba mós iha asaun rekonsiliasaun kona-ba dame.

Forum Dialogu Juventude hahú ohin to’o aban, hetan patisipa maximu husi Joven potente sira husi Universidade hanesan; UNTL, UNDIL, UNITAL, UNPAZ, IOB, DIT, Centro forinição foemoko, Sentru formasaun sira no Youth Alliance for change, ACBIT no Joven sira ne’ebé Prontu halo mudansa no kontribui ba sustentabilidade páz liuhusi mekanizmu prevensaun konflitu no rekonsiliasaun.

Youth Forum on Peace, Reconciliation and Social Cohesion ne’e mós partisipasaun husi Embaixada Austrália iha Timor-Leste, Sosiedade sivil, universitariu sira, reprezentante Ministériu interior no instituisaun sira seluk.

#Foto #Ekipa #Media #Ministeriufinansas