Dili, 09 Abril 2026

Ministru Transportes no Komunikasaun, Eng.Miguel Marques Gonçalves Manetelu kinta ohin, simu vizita kortézia husi Embaixador Malázia, Dato' Amarjit Sarjit Singh iha Gabinete Ministru Kaikoli Dili.

Iha vizita ne'e Diplomata Malázia ne'e hato'o apresiasaun no agradese bá lideransa Ministru Manetelu nia ne'ebé iha komitmentu halo kooperasaun di'ak ho governu Malázia liuhusi Embaixada Malázia iha Timor-Leste.

Diplomata ne'e afirma durante ne'e Malázia hametin kooperasaun ho Timor-Leste liuhusi apoiu forte bá adesaun TL iha ASEAN, investimentu economia no parseria téknika. Malázia kompromete ona atu tulun Timor-Leste sai membru ASEAN nian, hametin konetividade aérea/marítima, no koopera iha setór telekomunikasaun, edukasaun, seguransa seluk tan.

Embaxadór Dato' Amarjit Sarjit Singh nia misaun sei remata iha tempu badak ho nune'e nia agradese bá kooperasaun no koolaborasaun ho MTK durante ne'e.

Ministru Manetelu lori governu Timor-Leste nia naran hakarak hato'o apresiasaun bá Embaixador Dato' Amarjit Sarjit Singh nia kooperasaun no kolaborasaun durante ne'e.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊