𝐌𝐚𝐥𝐢𝐚𝐧𝐚, 𝟎𝟗 𝐀𝐛𝐫𝐢𝐥 𝟐𝟎𝟐𝟔; Vise-Ministru ba Operasionalizasaun ospitál (VMOH-sigla portugés) dr. Flávio Brandão Mendes de Araújo, akompaña hosi Diretór Gerál Servisu Hospitalár (DGSH) dr. Raimundo dos Santos, hala'o vizita traballu ba Hospitál Referál Maliana.

Vizita traballu ne'e Vise-Ministru Saúde hala'o enkontru extraordináriu ho konsellu administrativa HR maliana ho nia estrutura no mos pesoál saúde sira, kona-bá harmonizasaun no funsionamentu servisu administrasaun no klínika "Hasa'e kualidade no profisionalízmu servisu saúde", iha Hospital Referál Maliana.

Enkontru ne'e halo mós aprezentasaun kona-bá Profile HR Maliana nian ne'ebé aprezenta husi Diretór Referál Maliana no iha mós diskusaun nakloke ba partisipante hotu atu hato'o preokupasaun no dezafiu sira nune'e ba oin bele mellora liu taan.

Iha biban ne'e Sua Eselénsia enkoja no fó mós orientasaun ba prezidente Konsellu Administrativu no funsnionáriu pesoál saúde sira hotu atu kontinua serví no servisu ho profisionál iha servisu fatin.