Dili, 10 Abril 2026

Ministru Transportes no Komunikasaun, Eng.Miguel Marques Gonçalves Manetelu, sai sasin bá iha serimonia re-sertifikasaun husi Autoridade Aviasaun Sivil Timor-Leste (AACTL) bá ceva air no oseanu timor.

CEVA Logistics iha prezensa dedikadu iha Timor-Leste, ne'ebé opera liuliu nu'udar CEVA Air & Ocean Timor, Unipessoal Lda. Papél CEVA nian iha rai laran importante tebes, tanba sira mak sai hanesan "backbone" lojístika bá projetu enerjia no konstrusaun boot sira.

Prezidente AACTL.IP Zezinho António Gusmão subliña AACTL.IP halo ona avaliasaun direta bá dokumentu no servisu ne'ebé Ceva halo iha Aeroportu Internasionál Prezidente Nicolau Lobato Comoro Dili.

“AACTL halo ona avaliasaun direta bá ceva liuhusi sira nia atividade komérsiu iha Aeroportu Internasionál Prezidente Nicolau Lobato ho nune’e ekipa AACTL halo re-avaliasaun bá operadór CEVA no TAT liuhusi re-avaliasaun ne’e mak ohin halo serimónia re-sertifikasaun ceva no AACTL husu CEVA atu kompleta dokumentu hodi nune’e bele garante durante ceva nia servisu komersiu atende kargu hodi nune’e bele garantia nia seguru ne’ebé aplika iha Aeroportu’’

Jestór responsável ceva Júlio dos Santos afirma Ceva sertifikadu ida ne’e reprezenta kompremisiu ceva nia hodi garantia seguru iha sira nia servisu.

“Sertifikasaun ida ne’e la’os de’it marka ida hodi asesu bá legalidade iha servisu ida ne’ebé ceva oferese maibé reprezenta mós kompremisiu ami nia atu kumpri padraun sira husi autoridade tantu husi internasionál no nasionál, hodi promove seguransa aerea hodi sustenta transportasaun iha timor-leste, ida ne’ebé susesu ida ho ezisténsia ceva lojistik durante tinan 26 nia laran iha Timor-Leste” nia afirma.

Ministru Manetelu kongratula servisu AACTL nia hodi halo koordenasaun di’ak ho CEVA.

"Atu hateten de’it ha'u hakarak kongratula servisu ne’ebé konsege halo husi AACTL hamutuk ho ceva para fasilita re-sertifikasaun bá ceva para atu halo servisu di'ak liu iha Aeroportu Internasionál Prezidente Nicolau Lobato Comoro" Ministru Manetelu kongratula.

Governanente ne'e afirma Sertifiakasaun ne’e laos buat ne’ebé pontu finál maibé prosesu ida sei iha kontinuasaun bá avaliasaun hodi nune'e kumpre regras no prosedimentu ne’ebé mak iha ikus mai AACTL bele hasai sertifikadu ne'e.

Inspesaun ne’ebé AACTL halo atu asegura dokumentu ne’ebé ceva hatama ho ajénsia sira seluk ne'ebé iha futuru sei halo mós re-avaliasaun ho nune'e tenke kumpri iha implementasaun.

Serimonia Re-sertifiaksaun ne'e hala’o iha salaun MTK Kaikoli Dili.

https://sdi.gov.tl/ministerio/presrealease/create 

Média MTK