𝗝𝗮𝗸𝗮𝗿𝘁𝗮, 𝟬𝟵 𝗔𝗯𝗿𝗶𝗹 𝟮𝟬𝟮𝟲

Ministru Obras Públikas, Samuel Marçal akompaña husi Prezidenti Instituto de Gestão de Equipamentos e Aprovisionamento para o Desenvolvimento, IGE-ADI I.P-Ana Paula da Cruz, Diretor Ezekutivu, Sonio Anuno Sarmento Da Silva ho Xefe Aprovizionamentu Ministériu Obras Públikas-Isabel Maria Lay Guterres hala’o vizita bá iha PT.Daya Kobelco Construction Machinery iha Jakarta, iha loron kinta ne’e no filiál Surabaya iha JL.Rungkul Industri III No. 3, Surabaya 60291 iha loron tersa-feira ne’e.

Durante vizita ne'ebé hala'o iha Jakarta no Surabaya, Ministru Obras Públikas, Samuel Marçal, hato'o pedidu ofisiál bá PT.Daya Kobelco Construction Machinery atu bele loke sira-nia ofísiu (representasaun) iha Timor-Leste atu nune’e sira bele fasilita manutensaun bá ekipamentu pezadu sira Timor-Leste ho prezensa direta iha Timor-Leste, kestaun tékniku no manutensaun bá makina pezada sira bele rezolve ho lalais liu tan no la han tempu ne’ebé naruk.

Ministru mós husu sira kona-bá posibilidade atu fó formasaun bá tékniku timoroan sira husi IGE-ADI, I.P. atu sira bele iha koñesimentu kle'an kona-bá operasaun no reparasaun bá ekipamentu Kobelco nian.

Vizita ida-ne'e konsidera hanesan pasu estratéjiku ida atu asegura katak ekipamentu pezada ne'ebé Estadu sosa iha sustentabilidade no bele uza bá tempu naruk hodi dezenvolve estrada no ponte sira iha Timor-Leste.

Ita hakarak buka hatene mós kona-bá tipu makina ne'ebé sai prioridade bá MOP iha tinan ne'e.

President Director PT.Daya Kobelco Construction Machinery Indonesia,Yushi Sandidarma, Nia afirma kompromisu PT.Daya Kobelco Construction Machinery Indonesia nian atu sai parseiru Estratéjiku bá Governu Timor-Leste, liuliu hodi fornese ekipamentu pezada ne'ebé kualidade aas bá konstrutivu infraestrutura nian.

Iha biban ne’e mós Prezidenti Director PT.Daya Kobelco Construction Machinery Indonesia kontenti proposta husi Ministru Obras Públikas kona-bá loke ofísiu filiál Director PT.Daya Kobelco Construction Machinery Indonesia iha Timor-Leste. Ekipa Kobelco sei analiza ho sériu posibilidade ne'e atu nune’e bele hakbesik liutan ho kliente sira iha Timor-Leste, hodi garante servisu purna jual (depois de sosa) ne'ebé di'ak liután.

Aleinde ne’e President Director PT.Daya Kobelco Construction Machinery Indonesia afirma sira prontu atu kopera iha parte téknika, inklui prepara programa kapasitasaun ka formasaun bá operadór no mekaniku sira husi IGEAD, I.P.

Iha vizita ne'e, Ministru Obras Públikas ho delegasaun observa direitamente Service Office no fasilidade sira iha Jakarta no Surabaya atu haree padraun servisu ne'ebé sira bele lori mai iha Timor-Leste.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣*