𝐃í𝐥𝐢, 𝟏𝟑 𝐀𝐛𝐫𝐢𝐥 𝟐𝟎𝟐𝟔- Ohin dadeer, Ministru Komérsiu no Indústria, Nino Pereira, simu vizita kortezia husi Embaixadór Malázia iha Timor-Leste, ne’ebé mai halo despedida iha finál ninia misaun diplomátika iha rai-laran. Enkontru ne’e hala’o iha sala Gabinete Ministru Fomento, Mandarin, Díli.

Iha oportunidade ne’e, Ministru hato’o apresiasaun ba kontribuisaun Embaixadór nian hodi hametin relasaun bilaterál entre Timor-Leste no Malázia, liu-liu iha área komérsiu, investimentu, no kooperasaun industriál. Embaixadór, iha nia parte, hato’o agradesimentu ba apoiu no kolaborasaun ne’ebé Governu Timor-Leste fó durante nia mandatu.

Vizita despedida ne’e reflete amizade no kooperasaun metin entre nasaun rua ne’e. Timor-Leste hein atu kontinua no habelar parseria ida ne’e iha tinan hirak oin mai, bazeia ba progresu ne’ebé ona hetan durante tempu servisu diplomátiku Embaixadór Malázia iha Timor-Leste.

𝙈é𝙙𝙞𝙖 𝙈𝘾𝙄