𝘼𝙩𝙖𝙪𝙧𝙤, 10 𝘼𝙗𝙧𝙞𝙡 2026–Iha fim de Semana ne’e Ministru Komérsiu no Indústria, Nino Pereira, akompaña husi Autoridade Administrativa Atauro, Sr. Mateus Belo, no Diretór Jerál Indústria, Sr. Jorge Ferreira, halo vizita ba grupu produsaun lokal no artezenatu sira, no aproveita mos tempo halo observasaun direta ba fatin ne’ebé planeia atu halo konstrusaun merkadu, hodi garante fasilidade adekuadu ba atividade komérsiu no hasa’e oportunidade ekonomia ba komunidade lokal.

Iha vizita, Ministru mós halo diskusaun direta ho grupu produsaun lokal sira hodi rona no komprende di’ak liu tan problema no dezafiu sira ne’ebé sira enfrenta iha sira nia atividade loroloron.

Iha diskusaun ne’e, Governu, liuhusi Ministériu Komérsiu no Indústria, bele fó apoiu no asisténsia teknika ne’ebé adekuadu, inklui programa hasa’e kapasidade iha área transformasaun, embalajen no diversifikasaun produtu sira

Medida hirak ne’e importante atu valoriza rekursu lokal no hasa’e kualidade produtu orijin Atauro, nune’e bele aumenta valor ekonómiku no kapasidade atu konkore iha merkadu nasional no internasionál.

Grupu sira ne’e mak hanesan feto kreativo ne’ebe halo diversifikasaun lakeru ba bolu ka dosi, entretantu grupu Ekeliana, ne’ebe transforma budu tasi ba bolu no krupuk no Grupu artezenatu Tareti furak uja produtu ai-horik transforma ba uma lulik no estatua, produtu hirak ne’e lori ona ba evento sira hanesan ASEAN no CPLP.

Media MCI