𝟏𝟎 𝐀𝐛𝐫𝐢𝐥 𝟐𝟎𝟐𝟔

==========

Vise-Primeiru-Ministru, Ministru Koordenadór ba Asuntu Ekonómiku (MKAE) no Ministru Turizmu no Ambiente (MTA), Dato’ Seri Francisco Kalbuadi Lay, hala’o enkontru kortezia ida ho reprezentante sira husi Tsuneishi Shipbuilding Company, iha Gabinete Vise-PM, Farol, Díli, Sesta, 10 Abril 2026.

Enkontru ne’e partisipa mós husi Embaixadór Japaun ba Timor-Leste, Yamamoto Yasushi, Ofisiál Ezekutivu Tsuneishi, Sr. Okumura, Prezidente Tsuneishi, Sr. Kubo, Jerente Projetu husi TTS, Sr. Ishikawa, Advogada iha área Direitu, Sra. Yamamoto, no mós funsionáriu sira husi Embaixada.

Objetivu husi enkontru ne’e mak atu atualiza informasaun relasiona ho kooperasaun investimentu, inklui konsultasaun kona-bá izensaun impostu.

Enkontru ne’e akompaña husi lideransa TradeInvest Timor-Leste, hanesan parte husi esforsu Governu atu promove investimentu no dezenvolvimentu ekonómiku iha rai-laran.