𝗕𝗮𝗻𝗱𝘂𝗻𝗴, 𝟬𝟵 𝗔𝗯𝗿𝗶𝗹 𝟮𝟬𝟮𝟲

Ministru Obras Públikas (MOP), Samuel Marçal akompaña husi Prezidenti Instituto de Gestão de Equipamentos e Aprovisionamento para o Desenvolvimento, I.P. Ana Paula da Cruz, Diretor Ezekutivu, Sonio Anuno Sarmento da Silva ho Xefe Aprovizionamentu Ministériu Obras Públikas, Isabel Maria Lay Guterres hala’o vizita bá PT.HITACHI Construction Machinery Indonesia iha Kabupaten Bekasi, Jawa Barat, loron tersa-feira ne’e.

Vizita ne'ebé hala'o iha PT.HITACHI Construction Machinery Indonesia iha Kabupaten Bekasi, Jawa Barat bazeia bá Planu Ministériu Obras Públikas (MOP) atu sosa ekipamentu pezadu foun husi marka Hitachi hodi hametin kbiit Institutu Jestaun Ekipamentu (IGE, I.P.) iha manutensaun estrada nasionál no responde mós dezastre natural ne’ebé fó ameasa bá komunidade sira iha area rurál.

Iha vizita bá PT.HITACHI Construction Machinery Indonesia, Ministru Obras Públikas (MOP), Samuel Marçal, hato'o pedidu ofisiál bá PT.HITACHI Construction Machinery Indonesia atu loke sira-nia ofísiu representasaun (Cabang) iha Timor-Leste atu nune’e sira bele fasilita manutensaun bá ekipamentu pezadu sira Timor-Leste ho prezensa direta iha Timor-Leste, kestaun tékniku no manutensaun bá makina pezada sira bele rezolve ho lalais liu tan no la han tempu ne’ebé naruk. Efisiénsia tékniku husi Pedidu loke ofísiu iha Timor-Leste ho objetivu atu hamenus tempu hein bá peça (spare parts) no mantein kualidade ekipamentu sira ne’ebé uza bá rehabilitasaun estrada no ponte.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣