Aileu-09-04-26 Ministru Agrikultura Pekuària Peska no Floresta Marcos ‘‘MAMETA’’ da Cruz ho Prezidente Autoridade Municipal Aileu lansa kuda hare ektare 17 uza makina modernu.

Iha Diskursu, Ministru Agrikultura Pekuria Peska no Floresta Marcos ‘‘MAMETA’’ da Cruz hateten, IX Governu ne’e buka oinsa atu bele sustenta nia povu ho ai-han ne’ebé mak barak ho kualidade atu nune’e bele orient aba merkadu, atu aumenta produsaun agrikola mak Ministèriu presiza desenvolve no konstrui irrigasaun nune’e bele fornese bee ba natar atu agrikultòr sira uza hodi halo atividade iha setòr agrikultura pekuaria peska no Floresta, maibè atu atinje ida ne’e ita presiza identifika problema ne’ebè mak agrikultór sira infrenta hodi bele hasa'e produsaun agrikola iha rai laran hodi garante sustentabilidade ai-han ba povu.

Governante ne’e hatete, tempu to’o ona Timor-leste moderniza setór haat hanesan agrikultura Pekuària Peska no Floresta."

Atu nune’e bele garante ai-han ne’ebè sustentabilidade ba ita- nia povu ho nune’e mak ita mós introduz sistema (PAD) Pratika agrikultura diak ne’ebè mak komesa kedas iha IV Governu ita buka ona atu introduz ona sistema mekanizasaun atu bele kuda hare tuir sistema ne’ebe mak Ministèriu introduz katak oinsa mak kuda haré tuir liña, oinsa mak aplika adubus organiku, atu bele hasa'e produsaun agrikola, makina agrikola ne’ebè mak ita uza hodi kuda haré atu bele hakma'an agrikultór nia servisu iha tereinu" Hatuir Ministru

Iha fatin hanesan, Prezidente Autoridade Municipal Aileu, João Bosco dos Santos hato’o agradese ba MAPPF nia apoiu ne’ebè maximu ba komunidade agrikultór sira iha Aileu hodi halo atividade agrikultura nune’e bele hasa'e produsaun agrikola no husu ba agrikultór sira tenki kuida nafatin ekipamentu agrikola ne’ebè governu fo atu bele uza ho responzabilidade hodi bele hasa'e produsaun agrikola no husu ba agrikultór sira katak, karik agrikultó sira karik hasoru problema iha terenu tenki hato’o ba Estensionista sira atu bele ajuda agrikultór sira hodi buka meios oinsa atu bele hasa'e produsaun agrikola, tanba munisipiu Aileu pontesia ba produtu agrikola no ortikultura.

PAM mós hatutan, Irrigasaun foun ne’ebè kobre natar ektare 17 iha aldeia Aslimhati konstui iha tinan 2025 no iha ne’e komunidade sira bele uza hodi halo natar no to’os, husu ba MAPPF atu bele kostrui moru protesaun atu nune’e la bele estraga komunidade agrikultór sira nia natar iha Aldeia Aslimhati suku Hoholau Munisipiu Aileu. " husu ba agrikultór tenki halo jestaun ne’ebe diak ba ekipamentu ne’ebè governu fo, atu bele kuidadu nafatin nune’e ba tinan oin bele aumenta tan produsaun maibè servisu atu lao diak tenki halo kordensaun no liña komunikasaun ho agrikultór ibklui suku viziñu sira atu ne’e bele hetan produsaun ne’ebe mak diak". Dhan PAM Aileu

Iha atividade lansamentu kuda hare ne’e hetan partisipasaun maximu husi Ministru MAPPF, PAM Aileu, PAM Ermera, Diretór Servisu Municipal Aileu, Diretor Servisu Municipal Ermera, Xefe Departementu, Prezidente Anaprofiku, PNTL Munisipiu Aileu, Estensionista, Tratorista no komunidade agrikultór. Ekipa DMEA MAPPF