Ainaro(10-04-26) Ministru Agrikultura Pekuaria Peska no Floresta Marcos ''MAMETA'' DA Cruz ho Represente PAM Ainaro kuda hare uza makina modernu.

Iha entrevista Ministru Agrikultura Pekuaria Peska no Floresta Marcos ''MAMETA'' DA Cruz esplika, tempu to'o ona atu moderniza setór agrikultura tanba ne'e governu apoiu ekipamentu modernu hanesan Tratór fila rai, makina koa hare no makina kuda hare atu bele hakma'an agrikultór sira nia servisu iha terenu, natar ne'ebè mak Ministèriu ho Uatpridade sira halo lansamentu ne'e abandona iha tinan barak, tanba ne'e Ministèriu mobiliza uluk ekipamentu pezadu hodi normaliza mota ne'ebe iha atu nune'e bee bele tama ba natar no komunidade agrikultór sira bele reativa fila natar sira ne'ebe abandona ho nune'e mak ohin bele kuda hare uza makina modernu ne'ebe mak Ministèriu fo apoiu ba iha Munisipiu Ainaro.

Tratór bo'ot unidade 6 ho makina kuda hare ida mak oras ne'e apoiu hela agrikultór sira hodi fila natar ne'ebé abandona iha tinan barak, MAPPF mós sei apoiu tan ekipamentu balun atu bele fasilita agrikultór hodi halo natar no iha futuru bele hasa'e produsaun tanba ne'e iha tempu badak governu mós sei konstrui irrigasaun Loegolo atu bele fornese bee batar natar, Iha biban ne'e mos Ministru MAPPF obrseva direta irrigasaun Loegolo ne'ebe iha tempo badak governo sei halo konstrusaun hodi bele fasilita bee ba agrikultor sira natar Dehan Ministru MAPPF

Iha fatin hanesan Xefe Suku Casa Longuinhos de Araujo, husu ba governu liu-liu MAPPF atu bele konstrui irrigasaun Loegolo no halo mós moru protesaun atu bele salva natar ektare 200 resin no komunidade ne'ebe halo natar iha area Loegolo hamutuk uma kain 100 resin lao ho diak no husu mós Ministerio Obras Públika atu hadia estrada husi suku casa ba iha adeia Loegolo, tanba komunidade sira halo natar halo to'os maibe presiza mós estrada atu bele transporta sira nia produ ba merkadu.

Alende ne'e agrikultor Longuinhos Gomes hato'o agradese ba Ministru MAPPF tanba bele hare direta no rona prekupasaun komunidade sira nian iha Loegolo, no husu nafatin sira nafatin ba MAPPF atu bele hadia irrigasaun no tau moru protesaun atu salva nafatin natain 200 ektare resin ne'ebe mak iha.

Iha atividade lansamentu kuda hare ne'e hetan patisipasaun husi Represente PAM Ainaro, DSAM Ainaro, Xefe Suku Casa, Xefe Departementu, Xefe Aldeia Boltama no komunidade agrikultor Ainaro, PNTL Munisipiu Ainaro. Ekipa DMEA MAPPF