Dili, 10-04-2026—Diretór-Jerál Sekretaria Estadu ba Igualdade-SEI, Sr. Armando da Costa, hala’o abertura ba Enkontru Koordenasaun no Halibur Dadus husi Progresu Implmentasaun Deklarasaun Maubisse Faze Datoluk (III) kona-ba Empodermentu Ekonómika Feto Rurál ne’ebé mak realiza husi SEI ho partisipante husi Parseiru Implementadór sira ne’ebé kompostu husi Ministériu Xave hamutuk 17 no BNCTL, iha Salaun Maria Goreti-SEI, Caicoli.

Objetivu husi Enkontru Koodenasaun ne’e mak, Hametin Koordenasaun no informa mekanizmu halibur dadus ba Relatóriu: Hametin kna’ar SEI nu’udar Instituisaun koordenadór ba prosesu tomak, inklui aprezenta mekanizmu kolesaun dadus husi entidade implementadór hotu; Atu Avalia DM III ninia Implementasaun: Relatóriu hatudu progresu konkretu husi entidade implementadór kona-ba atividade no alvu Deklarasaun Maubisse Faze Datoluk; Evidénsia klaru katak programa no polítika sira aliña ho prioridade IX Governu iha kapitál sosiál, infraestrutura no ekonomia munisípiu to’o rurál; Identifika Dezáfiu no Lakuna: Dokumenta barreira ka problema ne’ebé entidade implementadór hasoru iha implementasaun; Hatudu rekomendasaun ba solusaun atu fó diresaun ba faze implementasaun tuir mai (2026 – 2028); Fó Evidénsia ba Planeamentu Futuru: Husi relatóriu progressu ne’ebé ita sei aprezenta fó baze ba planeamentu asaun anuál ba tinan 2026 - 2028, inklui atividade no alvu ne’ebé identifika no; Ajuda atu integra polítika responsivu ba jéneru no inkluzaun sosiál iha planeamentu Governu.

Diretór-Jerál Sekretaria Estadu ba Igualdade-SEI, Sr. Armando da Costa, iha abertura hodi Sekretaria Estadu ba Igualdade nia naran, hato’o apresiasaun