Dili, 11 Abríl 2026

Governu liuhusi Vise-Primeiru-Ministu Francisco Kalbuady Lay, hato’o apresiasaun kle’an bá kontribuisaun no servisu Embaixador Malázia Dato' Amarjit Singh, nian hodi hametin relasaun amizade no kooperasaun entre nasaun rua.

Apresiasaun ida ne’e Vise-PM hato’o iha serimónia jantas despedida bá embaixador Malázia iha Timor-Leste, Malázia Dato' Amarjit Singh.

Governu oferese jantar despedida ofisiál ida ne’e hodi fó onra bá Embaixador Dato' Amarjit Singh, ne’ebé nia misaun diplomatika remata ona iha Timor-Leste.

Iha Jantar despedida ne’e partisipa mós husi Ministru Transportes no Komunikasaun, Eng.Miguel Marques Gonçalves Manetelu.

Vise-PM Francisco Kalbuady Lay agradese kontribuisaun boot diplomata Malázia nia ne’ebé durante ne’e ho nia esforsu hametin relasaun amizade no kooperasaun entre nasaun rua.

Durante nia mandatu Diplomata Malázia ne’e sai parseiru ne’ebé forte hodi apoia dezenvolvimentu ekonómiku Timor-Leste nian. Malázia nia kontribuisaun boot bá Timor-Leste nia aspirasaun bá adezaun tomak iha Organizasaun Mundiál Komérsiu no ASEAN.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊