𝗗Í𝗟𝗜,𝗠𝗝 — 𝗧𝗲𝗿𝘀𝗮-𝗳𝗲𝗶𝗿𝗮 𝟬𝟳 𝗔𝗯𝗿𝗶𝗹 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, simu no realiza audiénsia ho Prezidente Konsellu Diretivu INTL, I.P., Jaime F. M. Carvalho Correia, hamutuk ho ninia ekipa iha sala Gabinete Ministru Justisa, edifísiu Ministériu Justisa, Colmera, Díli.

Objetivu prinsipál hosi audiénsia ne’e, atu prepara no estabelese akordu kooperasaun servisu entre Ministériu Justisa liuhosi Diresaun-Jerál Servisu Rejistu no Notariadu, ho Imprensa Nasionál Timor-Leste, I.P. (INTL, I.P.) ninian.

Iha audiénsia ne’e akompaña Ministru Justisa maka hanesan; Diretór-Jeral Polítika Justisa; Dr. Nelinho Vital, Diretor-Jerál dos Serviços de Registo e Notariado; Agustinho Gonçalves Vieira, Diretór Nasionál CSRN-Díli, Frederico Paulo de Fátima Martins, no Diretór Nasionál Identifikasaun Sivil no Rejistu Criminal, Nelson Manuel Moniz Belo.