14 Abril 2026: Ministériu Saúde (MdS) liuhosi Diresaun Nasionál Rekursu Umanus (DNRH) hamutuk ho Instituto Nasional Saúde Públika Timor-Leste (INSP-TL) realiza “Programa Dezaminasaun-Orientasaun Funsionáriu foun MdS Tinan 2026, ho Forma Promove Profisionalismu, Disiplinadu, Responsabilidade, Asegura Servisu Saúde ba Povu”, ne’ebé ofisialmente abertura husi Diretor Jerál Servisu Koorporativus (DJSK) Sr. Narciso Fernandes, Iha Salaun INSP-TL, Comoro.

Programa ne’e sei realiza durante loron tolu (3) hahu husi loron 14 to’o 16 Abril 2026.

Objetivu husi programa ida ne’e mak hanesan estratejia ida atu asegura Integrasaun Funsionáriu foun sira iha sistema servisu MdS no fasilita adaptasaun funsionariu foun liuhosi introdusaun estrutura organizasionál sectór saúde, esplika regras no prosedimentu administrativus, hatudu misaun, vizaun no valor Instituisaun saúde nian, hasa’e kompresaun kona-ba étika servisu públiku no prepara funsionáriu atu servisu ho profisionál.

Sorin seluk DJSK hodi MdS nia naran hato’o Parabéns ba funsionáriu sira ne’ebé mak pasa liuhosi selesaun Programa dezaminasaun ida ne’e ho totál 269 funsionáriu foun, kompostu hosi Rejime Espesiál hamutuk 258 no Rejime Jerál hamutuk 11.

Partisipa iha programa ne’e mak Diretor Jerál no Nasionál, Xefi Departamentu, referendísimu Amu kapeleaun, Ofisiais MdS no Funsionariu foun sira.

#MídiaPalácioDasCinzas