Dili, 14-04-2026—Diretór-Jerál SEI, Sr. Armando da Costa akompaña husi Diretora Nasionál Dejenvolvimentu Igualdade Jéneru, Sra. Olga da Costa Monteiro, hala’o abertura ba iha Seremónia Enkontru kona-ba Implementadór Kuadru Estratéjiku Feto Prontu Lidera, hamutuk ho Parseiru implementadór/a sira hotu ne’ebé mak kompostu husi Liñas Ministeriais, Sosiedade Sivíl no Grupu Feto Pontensi husi Partidu Polítiku sira.

Objetivu husi Enkontru Parseiru Kuadrus Estratéjiku Feto Prontu Lidera ne’e mak, Identifika dezafius sira ne'ebé impede feto atu partisipa ativu iha polítika no governasaun.Kria Estratéjia no Dezenvolve kampaña espesífiku atu dada feto profesionál no feto joven sira hola parte aktivu iha partidu polítiku.Promove estratéjia hodi fo promove feto sira bele kaer kargu lideransa ne'ebé estratéjiku, la'ós de'it nu'udar "enfeite" kampaña.Kria espasu ba feto líder sira bele assume pasta hanesan iha parlamentár, líder suku, no komunidade hodi fahe estratéjia susesu nian iha prosesu demokratizasaun.Diskuti oinsá partidu bele aloka orsamentu ne’ebé sensível ba jéneru hodi apoiu kampaña feto sira-nian.

Iha Seremónia Enkontru refere, iha mós aprezentasaun kona-ba Kuadru Estratéjiku Feto iha Eleisaun Tinan 2021-2025 ne’ebé mak aprezenta husi Xefe Departamentu Partisipasaun Polítika-SEI, Sra. Avia Costa.

Enkontru refere Realiza husi SEI, iha Salaun Maria Goreti-SEI, Cacicoli, no Partisa husi Parseiru implementadór/a sira ne’ebé mak kompostu husi Reprezentante Liñas Ministeriais sira mak hanesan Ministériu Interior, Ministériu Administrasaun Estatal, Gabinete Apoiu Sosiedade Sivíl (GAS), Grupu Traballu “Feto Prontu Lidera” mak hanesan Organizasaun CAUCUS, MOFFE, PATRIA, FUNDASAUN ALOLA no BA FUTURU, no Grupu Feto Partidu Polítiku mak hanesan, Partidu CNRT, PD, FRETILIN, KHUNTO, PLP no Kargu Diretores Nasionais, Xefe Departamentu no Funsiunariu/a husi SEI.

#Média-SEI#