𝟏𝟒 𝐀𝐛𝐫𝐢𝐥 𝟐𝟎𝟐𝟔

==========

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, iha loron Tersa, 14 Abril 2026, halo vizita surpreza ba Banco Nacional de Comércio de Timor-Leste (BNCTL), hodi haree diretamente atividade no servisu sira ne’ebé la’o iha instituisaun refere hodi garante efisiénsia no transparénsia iha atendimentu ba kliente sira.

Vise-PM mós simu informasaun balu husi lideransa BNCTL kona-bá dezenvolvimentu operasionál banku, inklui servisu finanseiru ba públiku.

BNCTL nu’udar banku públiku ida ne’ebé iha papél estratéjiku atu suporta kreximentu ekonomia nasionál, liu-liu fasilita asesu ba kréditu no servisu bankáriu ba komunidade sira iha área urbanu no rurál.