𝐃í𝐥𝐢, 𝟏𝟓 𝐀𝐛𝐫𝐢𝐥 𝟐𝟎𝟐𝟔- Diretór Jeral Indústria, Jorge Ferreira, akompaña ho Jestor MCI no tekniku, halo enkontru ho Dosente Universidade da Paz (UNPAZ), Cristiano Gusmão, iha Sala enkontro DJ Indústria, ,(14/04/2026), hodi ko’alia kona-ba perspetiva oinsa bele servisu hamutuk iha futuru, liu-liu iha área formasaun nian,

Iha enkontro, parte rua koa’lia kona-ba importánsia formasaun ba grupo ne’ebé durante ne’e hetan apoio husi Ministério Komérsiu no Indústria(MCI), ho ida ne’e UNPAZ hola inisiativa apresenta plano no kolabora ho MCI hodi fó apoio formasaun ba benefisiáriu MCI nian.

Universidade da Paz iha enkontru ne’e fó sinal klaru kona-ba intesaun atu kria Memorandu de Entendimentu (MOU) ho Ministério Komérsiu no Indústria. MOU ne’e sei fó base ba servisu hamutuk iha área formasaun, atu garante grupo benefisiáriu sira bele hetan kapasidade no konesementu ne’ebé presiza ba dezenvolvimentu indústrial.

Iha tempu badak, parte sira sei apresenta plano konkretu kona-ba oinsa servisu hamutuk sei implementa, liu husi Direção Jeral Indústria, hanesan parte integral ba dezenvolvimentu futuru.

𝙈é𝙙𝙞𝙖 𝙈𝘾𝙄