Iha loron 14 fulan-abril tinan 2026, Sekretaria Estadu ba Igualdade-SEI selebra Memorandu ba Entendimentu ( Memorandum of Understanding (MoU) - Sigla Ingles) ho Asosiasaun Juventude Habi’it Justisa Timor-Leste (AJHJ-TL) iha ámbitu Kolaborasaun no Koordenasaun Servisu Konjunta iha área kapasitasaun, Disiminasaun, no Promosaun Igualdade Jéneru no Prevensaun ba Violénsia ba Bazeia ba Jeneru iha Timor-Leste.

Memorandu ba Entindimentu ne’e ofisiálmente asina husi Sua Exelénsia Sekretária Estadu ba Igualdade-SEI, Elvina Sousa Carvalho ho Presidente Orgaun Administrasaun Asosiasaun AJHJ-TL, Dr. Zefreus Lanicos Santos Ricardo iha sala Maria Tapo, Gabineti SEI, Caicoli-Dili.

Konsidera necesidade atu establese memorandu ba entindimentu ba kolaborasaun servisu no Koordenasaun servisu konjunta iha área Kapasitasaun, Disiminasaun informasaun sira neebé mak asesu ba justisa nomós Promosaun Igualdade Jéneru, Prevensaun ba Violénsia ba Jéneru iha asuntu sira seluk tan.

Objetivu husi memorandu ne’e hodi fortifika liutan servisu relasaun kooperasaun entre SEI no Asosiasaun AJHJ-TL iha futuru liu-liu áreia justisa, Promosaun Igualdade jéneru, Prevensaun ba Violénsia bazeia ba Jéneru, Fasilita fahe koñesimentu no esperiénsia husi parte rua, ne'ebé kontribui atu hadi'a kualidade prestasaun servisu ba komunidade inklui mós parte rua hodi apoiu malu iha dezenvolvimentu polítika sira neebé kontribui ba asesu ba justisa, kestaun igualdade jéneru, no asuntu sira seluk neebé kontribui liután ba reforsu estadu direitu Demokrátiku prisipalmente atu reforsa instituisaun demokratika no konkretiza objetivu husi Estadu (Pas, Sosial, Bens-Estar no Justisa

Iha Selebrasaun MoU ne’e hetan akompaña husi Diretór Jerál-SEI, Sr.Armado da Costa, Diretór Nasionál Dezenvolvimentu Igualdade Jéneru, Sr. Abilio Barreto, Xefe Gabineti SEI, Srilia Tilman Cardoso, Xefe Departamentu Juridiku, Ferina Maria Varela.

# Média SEI#