Manatutu, 14 Marsu 2026 - Ministériu Edukasaun liuhusi, Diretora Jerál Planu, polítika, Inkluzaun no Informátíka Sra. Odilia das Dores Ung Martins, Administradora Postu Administrativu Soibada Sra. Teresinha da Costa Moniz, Diretór Edukasaun interinu Munisípiu Manatutu Sr. Natalino M. Carvalho, no Reprezentante husi Diretór Child fund, Sr.Antonio do Rosario halo Distribuisaun Óklu ba Estudante sira ne’ebé maka Problema ho Difikuldade Visual iha Eskola Ensinu Báziku Sentral São Bento Salau, Posto Administrativo Soibada, Suku Leo-Hat Aldeia Malus hun, Munisípiu Manatutu.

Iha diskursu Diretora Jerál Planu, polítika, Inkluzaun no Informátíka (DJ-PPII), Odilia das Dores Ung Martins hateten, importante tebes atu distribuisaun ókulu ida-ne’e mai iha estudante sira iha eskola salau atu ajuda ita nian oan sira ne’ebé maka hetan peoblema ho difikuldade visual, agradese mos ba parseiro sira husi Child fund apoio ona ókulu hodi ajuda ita nian oan sira hodi kontinua sira nia aprendizajen loron-loron nian.

“ Parseiro sira prontu apoiu ide ne’e maka ita nian hakarak tamba parseiro sira fo kontribusaun ba ita nian oan sira ne’ebé maka sira hasoru ho problema difikuldade visual, Iha tempu sira hanesan ne’e ita hanoin katak politika ida ne’e atu responde ba problema sira ne’ebé maka ita nian oan sira hasoru”, Dehan DJ-PPII.

Iha sorin seluk hanesan representante Diretór Child fund Sr.Antonio do Rosario hateten Child fund serbisu ba programa barak liu maka fóka liu ba labarik sira ho difisiensia, ami mos agradese ba Ministériu Edukasaun departamentu edukasaun inkluzivu fo fiar mai Child fund atu halao programa iha ne’e agradese mos ami bele apoio ona ókulu ba labarik sira atu partisipa iha sala laran liu-liu bele halo aprendizajen loron-loron nian.

Iha Distribuisaun Ókulu, ba Estudante sira ne’ebé maka Problema ho Difikuldade Visual, iha Munisípiu Manatutu, hetan partisaun maximu husi Diretora Jerál Planu, polítika, Inkluzaun no Informátíka (DJ-PPII), Odilia das Dores Ung Martins, hamotuk ho APA Soibada Sra. Teresinha da Costa Moniz, Reprezentante husi diretor Child fund, Sr.Antonio do Rosario, Diretor Interino Edukasaun Munisípiu Manatutu Sr. Natalino M. Carvalho, Inan-Aman no Estudante sira. Munisípiu Manatutu.

#Julioberto

#MédiaME