Dili, 15 Abril 2026 - Ministériu Edukasaun liuhosi Diretora Jerál Planu Polítika Inkluzaun no Informátika (DGPPII), Sra. Odilia das Dores Martins, akompaña dirijente relevante sira, Reprezentante Embaixadór Nova Zelándia, no Parseiru Dezenvolvimentu lansa ofisialmente série vídeu edukativu “Ksolok Labarik” iha resintu Eskola EBC Farol, Dili.

Série vídeu ne’e nu’udar produsaun orjinál husi Diresaun Nasionál Sistema Informátika no Teknolojia (DNSIT), ne’ebé servisu hamutuk ho Gabinete Avaliasaun Dezenvolvimentu Kurríkulár no Rekursu Pedagójiku (GADCRP) no hetan apoiu tékniku husi ekipa programa Halimar Aprende no Deskobre Susesu (HANDS) no finansiamentu husi Governu Nova Zelándia.

Inisiativa ne’e uza konteúdu audiovizuál ne’ebé interativu hodi kria ambiente aprendizajen ne’ebé ksolok ba labarik sira.

Iha diskursu, Diretora Jerál Sra. Odilia das Dores Martins esplika katak vídeu sira-ne’e dezenvolve ho lian ne’ebé simples no interativu. “Importante liu mak vídeu sira-ne’e ajuda labarik sira atu aplika saida mak sira aprende iha sira-nia moris loron-loron nian,” dehan Sra. Odilia.

Nia mós hateten katak programa ne’e envolve mós foin-sa’e sira hanesan fasilitadór no kriadór konteúdu, inklui mós partisipasaun husi inan-aman no komunidade. Atu garante katak labarik iha área remotas mós bele hetan benefísiu, Ministériu Edukasaun sei distribui materiál sira-ne’e iha forma offline.

“Ita hatene katak iha área remota susar tebes atu asesu ba internet. Tan ne’e, molok lansamentu, ita prepara ona atu distribui ba eskola sira iha territóriu nasionál hodi garante inkluzividade,” nia subliña.

Serimónia ne’e, ekipa DNSIT no HANDS fó mós sertifikadu apresiasaun ba tékniku no atór sira ne’ebé envolve iha produsaun. Rekoñesimentu ne’e nu’udar forma ida hodi fó valór ba talentu no kbiit interna Ministériu nian ne’ebé konsege kria konteúdu edukativu ho kualidade aas.

Eventu ne’e remata ho ksolok husi komunidade eskolár EBC Faról, ne’ebé sai sasin ba pasu foun Ministériu Edukasaun nian hodi integra teknolojia iha mundu edukasaun infantil iha Timor-Leste.

#VERSÃO EM #português

MINISTÉRIO DA EDUCAÇÃO LANÇA SÉRIE DE VÍDEOS “KSOLOK LABARIK” E RECONHECE CRIADORES ENVOLVIDOS

Díli, 15 de abril de 2026 – O Ministério da Educação, através da Direção-Geral de Planeamento, Políticas, Inclusão e Informática (DGPPII), liderada pela Sra. Odília das Dores Martins, em conjunto com dirigentes relevantes, o representante do Embaixador da Nova Zelândia e parceiros de desenvolvimento, procedeu ao lançamento oficial da série de vídeos educativos “Ksolok Labarik”, nas instalações da Escola Básica Central de Farol, em Díli.

A série constitui uma produção original da Direção Nacional de Sistemas de Informação e Tecnologia (DNSIT), desenvolvida em articulação com o Gabinete de Avaliação, Desenvolvimento Curricular e Recursos Pedagógicos (GADCRP), contando com apoio técnico da equipa do programa Halimar Aprende no Deskobre Susesu (HANDS) e financiamento do Governo da Nova Zelândia.

A iniciativa aposta em conteúdos audiovisuais interativos, com o objetivo de criar um ambiente de aprendizagem mais dinâmico e atrativo para as crianças.

No seu discurso, a Diretora-Geral, Sra. Odília das Dores Martins, explicou que os vídeos foram concebidos com linguagem simples e interativa. “O mais importante é que estes conteúdos ajudem as crianças a aplicar, no seu quotidiano, aquilo que aprendem”, afirmou.

A responsável acrescentou ainda que o programa envolve também jovens como facilitadores e criadores de conteúdos, promovendo igualmente a participação de pais, encarregados de educação e comunidades.

Com vista a assegurar o acesso às crianças em zonas remotas, o Ministério da Educação prevê a distribuição dos materiais em formato “offline.” “Sabemos que, em áreas remotas, o acesso à internet é limitado. Por isso, antes do lançamento, preparámos a distribuição destes conteúdos às escolas em todo o território nacional, garantindo assim a inclusão”, sublinhou.

Durante a cerimónia, as equipas da DNSIT e do programa HANDS procederam também à entrega de certificados de reconhecimento aos técnicos e atores envolvidos na produção. Esta distinção visa valorizar o talento e a capacidade interna do Ministério na criação de conteúdos educativos de elevada qualidade.

O evento terminou com grande entusiasmo por parte da comunidade escolar da Escola Básica Central de Farol, assinalando um novo passo do Ministério da Educação na integração da tecnologia no ensino infantil em Timor-Leste.

#MédiaME

#EmiliodaCruzLopes