17/04/2026

Dili (Media HNGV) vizita ida ne’e hanesan vizita jeral ba iha HNGV liliu ba atu hare prestasaun servisu sira hotu iha Diresaun no Departamento sira ne’ebé mak tutela iha HNGV no mos ba iha ezekusaun orsamentu 2026 nian tamba agora dadauk ita ultra passa ona trimestre dahuluk no komesaa tama ona ba trimester daruak.

Informasaun ne’e hato’o husi Prezidente Komisaun F Parlamento Nacional, Sra. Maria Gorumali Barreto intervista ba Jornalista iha Salaun Enkontro RACS HNGV, Rua Bidau Toko Baru, Dili, Loron Kinta Feira (16/4/2026).

Prezidente Komisaun F hatutan wainhira sira halo enkontru hamutuk ho Konsellu Diretivu HNGV hanesan fiskalijador hato’o rekomenda buat balun ba HNGV atu bele aseileira osamento ne’ebe koloka mai iha HNGV liu husi kategoria hat(4) mak hanesan Kategoria Salario e Vensimentu, Bens Servisu, Kapital Menor no Kapital Desemvolvimento.

Prezidente Komisaun F hateten enkontro ne’e mos koalia kona osamento espesifico ba iha manutensaun no kompras ai-moruk emerjensia tamba importante tebes ba nesesidades ba pasiente nian.

Iha fatin hanesan Diretor Servisu Apoiu Diagnostiku no Terapeutiku (Diretor SADT) HNGV hatetenVizita Komisaun F Parlamento Nacional atu mai hare ezekusaun orsamentu HNGV Trimestral dahuluk no atendimentu iha ospital.

“Prezidente Komisaun F no Ekipa iha vizita ne’e konvoka enkontro hodi deskute kona ba ezekusaun orsamentu trimestral dahuluk no atendimentu iha HNGV durante oras tolu nia laran no ami simu rekomendasaun barak no ami se ezekuta tuir prosesu sira” dehan Diretor SADT HNGV.

Diretor SADT haktuir planu orsamentu ne’ebe aloka ba HNGV tinan 2026 sei prosesa orsamentu sira tuir lei aprosionamentu no faze tendirazasaun nebe’e peoridade ba kapital menor ho total orsamentu 4 milioens hanesan gastos ba sosa ekipamentus medikus.

Nia hatutan ekipamentus sira ne’ebe atu sosa mak hanesan CT Scan 128 sildes, jeledor koserva ran iha Departamento Banco de Sangue, Makina Treadmill, mamografia no seluk-seluk tan.

Alende ne’e Prezidente Komisaun F hamutuk ho ekipa no akomapaña husi Konsellu Diretivu HNGV halo vizita direita ba Departamemtu no Unidade HNGV no Laboratorio Nasional Saúde hodi hare kondisaun jeral servisu atual sira.

#MediaHNGV