11-04-2026

Dili (Media HNGV) ekipa integradu husi HNGV no Ministerio saude, Servisu Saúde Munispiu Dili no ekipa tekniku sira hotu foti desizaun hamutuk hodi desativa funsionamentu iha Hospital Tasi Tolu tamba kazu dengue zero (0) ne’ebe durante semana ida ona kazu foun baixa laiha.

Informasaun ne’e hato’o Diretor Servisu Apoiu Diagnostiku no Terapeutiku HNGV (Diretor SADT-HNGV, Dr, Vidal de Jesus Lopes, Sp. Intensivista ba Jornalista sira iha Field Hospital Tasi Tolu Dili, Iha loron Sexta Feira (10/4/2026).

Diretor SADT-HNGV hatutan wainhira fatin ne’e la utiliza ona, ekipa intergadu ne’e mos se retira fali pesoal saúde no ekipamentus hodi entrega ba ida-idak nia servisu fatin anterior.

Diretor SADT-HNGV hateten pesoal saúde saude durante halo servisu iha Hospital Tasi Tolu hamutuk atus ida lima (105) komupostu husi Mediku, Enfermeiro, Tekniku Aliadus, Apoio Logistiku, Servisu Limpeza no Servisu Seguransa ne’ebé ekipa integradu husi HNGV, Servisu Saúde Muniisipiu Dili, Postu Saúde no Hospital Referal.

“Pesoal saúde ne’ebé liu vaga ba saúde munisipiu no hospital referral tuir lolos destka ba munisipiu maibe tamba infrenta kazu dengue as iha Dili Ministériu Saúde disidi entrega sira HNGV hodi jere maibe wainhira kazu moras dengue la iha ona, pesoal saude sira ne’e se fila fali ba ida-daik nia servisu anterior.” Dehan Dr. Vidal de Jesus Lopes.

Nia afirma katak durante pasiente dengue ne’ebé halo tratamentu iha Hospital Tasi tolu la iha ida mak lakon vida ka mate tamba pasiente barak mai ho kazu dengue ho kategoria leve (Kaman).

Alende ne’e nia haktuir kazu moras dengue ne’ebe rejista iha Hospital Tasi Tolu hahu husi Fulan Janeiro to’o Abril 2026 hamutuk atus lima sanulu (510) pasiente.

Emtertantu atividade ne’e partisipa husi Diretor Ezekutivu HNGV, Diretora Enfermajem no Parteira HNGV, Diretora Servisu Administrasaun Finansas, Logistika, no Aprosionamento HNGV, Xefe Departamento, Edukador/a no Ekipa Integrado Profisionais Saude Hospital Tasi Tolu.

#MediaHNGV