𝘿𝙞𝙡𝙞, 17 𝘼𝙗𝙧𝙞𝙡 2026– Ministériu Komérsiu no Indústria, liuhosi Direção Jerál Indústria, Sr. Jorge Ferreira, hanesan reprezenta Ministru Komérsiu no Indústria, Sr. Nino Pereira, partisipa iha Enkontru Konsellu Projetu “𝘒𝘰𝘮𝘱𝘦𝘵é𝘯𝘴𝘪𝘢 𝘣𝘢 𝘌𝘮𝘱𝘳𝘦𝘦𝘯𝘥𝘦𝘥𝘰𝘳𝘪𝘻𝘮𝘶 𝘯𝘰 𝘌𝘮𝘱𝘳𝘦𝘨𝘶 𝘣𝘢 𝘑𝘶𝘷𝘦𝘯𝘵𝘶𝘥𝘦 (𝘠𝘌𝘌𝘚)”, iha Sala Kofi Annan Meeting Room, Caicoli, Dili.

Programa YEES hanesan parseria entre Governu Timor-Leste liuhosi Ministériu Komérsiu no Indústria, ho UNDP no KOICA.

Iha Enkontru konsellu projetu ne’e fó prioridade ba:

• Aprezentasaun progresu projetu no relatoriu finansiamentu.

• Diskusaun planu servisu anual 2026 ne’ebé propon.

• Partilha rezultadu avaliasaun midterm.

• Fó rekomendasaun ba implementasaun projetu iha tempu oin.

Ministériu Komérsiu no Indústria propoin rekomendasaun oioin hodi aproveita fleksibilidade no rekursu projetu YEES, ho objetivu atu transforma obstákulu ba oportunidade.

Iha intervensaun, Diretór Jerál Indústria Sr. Jorge Ferreira, hatudu apresiasaun ba ekipa YEES Project no parseiru sira, no fó enkorajamentu ba juventude atu kontinua ho servisu diak tebes mak fó benefísiu ba foin-sa’e emprezáriu sira iha Timor-Leste. Nia sublinha mos kontribuisaun maka’as ba diversifikasaun ekonomia no dezenvolvimentu nasional.

“Aproveita oportunidade atu informa kona-ba atrazu iha programa empréstimu ho kondisaun favorável. Maski fundu sira ne’e disponibiliza ona ba MPME, politika internu Governu nian kria obstákulu krítiku.”dehan DG indústria

Programa YEES fó oportunidade ba juventude Timor-Leste atu habelar kapasidade empregu, simu treinu no abilidade empreendedorismu, no kria ligasaun ho oportunidade ekonomia no inovasaun.

Parseria ne’e hatudu kompromisu Governu ho organizasaun internasionál atu fó susténsiaun ba juventude Timor-Leste, hodi prepara sira ba futuru empregu no lideransa empreendedor.

𝙈𝙚𝙙𝙞𝙖 𝙈𝘾𝙄