Dili- 15/04/2026 Ministério Agricultura Pecuária Pesca no Floresta (MAPPF) liu husi Dirasaun Nasionál Extensaun Formasaun Agricol (DNEFA) Departementu Media Extensaun Agricola (DMEA) realiza asina kontratu ho Radio Komunidade husi Munisipio:Ainaro, Baucau, Bobonaro, Covalima, Lautém, Manatuto, Manufahi, Viqueque inklui RAEOA ho objetivu atu dessimina informasaun tekniku agrikultura ba komunidade Agrikultór iha kada Munisipiu. Seremonia asina akordu ne’e hala’o iha Salaun MAPPF Comoro.

Iha entrevista, Secretario Estado Floresta Fernandino Vieira da Costa, ne’ebé reprezenta Ministru MAPPF esplika, asina akordu hamutuk ho radio komunidade munisipiu sira ne’e, ho objetivu atu fahe ka desimina informasaun ba komunidade sira iha teritorio tomak liu liu iha munisipiu ne’ebe mak ba dezenvolvimentu area agrikultura pekuaria, peska no Floresta.

Nia hatutan, Serimonia asina akordu ne’e oinsa atu bele kesi entre MAPPF ho Radio Komunidade sira iha munisipiu hodi fahe informasaun ne’ebé ligadu ho dezenvolvimentu setór agrikultura nian, hodi nune’e komunidade sira mós partisipa no bele fo sira nia kontribuisaun ba dezenvolvimentu setór Agrikultura ba ita nia nasaun ida ne’e.

”Dalruma komunidade sira durante ne’e la iha informasaun konaba dezenvolvimentu setór Floresta entaun liu husi asina akordu ida ne’e bele hametin hodi fahe informasaun ba komunidade sira ne’ebe mak moris iha area rural liu liu konaba setor Agricultura, Pecuaria, pesca no Floresta. “ katak SEF

Iha fatin hanesan, Jestora Radio Komunidade Baucau, Dulce Santina Belo hatutan, programa ne’ebé mai husi MAPPF ne’e diak tebes, tanba hakarak kopera ho Radio Komunidade sira oinsa mak atu bele transmiti informasaun sira ne’ebe Ministériu hala’o iha kada Munisipiu.

“Ami apresia tanba bele involve mos Radio Komunidade sira oinsa bele partilha informasaun, tanba dalabarak Ministru Agrikultura hala’o servisu ne’ebe mak makas tebes iha baze, maibe komunidade sira falta informasaun, tanba ne’e liu hosi koopersaun ida ne’e komunidade agriklutó sira iha kada munisipio bele asesu ona atividade saida de’it mak Ministério halo.” Tenik Dulce

Portantu seremonia asina akordu ne’e partisipa husi Secretario Estado Pecuaria, Secretario Estado Floresta, Diretór Geral Café Plantas Industria, Diretór Nasional, Diretór Servisu Agrikltura Munispal no mós Jestór Radio Komunidade husi Munisipio sia (9). Ekipa DMEA MAPPF