𝗙𝗮𝗿𝗼́𝗹, 𝟭𝟳 𝗔𝗯𝗿𝗶𝗹 𝟮𝟬𝟮𝟲

Sua Eselénsia Ministru Petróleu no Rekursus Minerais, Francisco da Costa Monteiro simu delegasaun husi Kompaña Timor Resources, ne’ebé xefia husi señor David Timblick no akompaña husi Ex Ministra Negósiu Estranjeiru Australia, Julie Bishop, hanesan assesora Kompaña Timor Resources, hodi ko’alia kona-ba dezenvolvimentu petróleu iha área onshore.

Empreza Timor Resources halo ona perfurasaun ba posu petróleu tolu iha Covalima hanesan Lafaek, Feto Kmaus no Liurai, ne’ebé tuir planu empreza nian, sei avansa husi explorasaun ba avaliasaun no dezenvolvimentu ne’ebé iha futuru, sei benefisia Kompaña no estadu Timor-Leste. Empreza mos sei halo-tan perfurasaun adisional, hodi deskobre potensialidade no rezerva mina no gás iha zona Tasi Mane.

Durante enkontru, ekipa Timor Resources aprezenta ekipa foun ne’ebé sai responsável ba prosesu perfurasaun área onshore iha Kosta Súl no husu governu atu apoia projetu sira ne’ebé dezenvolve husi Kompaña Timor Resources iha terrenu.