𝐃𝐢𝐥𝐢, 𝟏𝟔 𝐀𝐛𝐫𝐢𝐥 𝟐𝟎𝟐𝟔 | Sua Eselénsia Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨, 𝐋𝐢𝐜.𝐂𝐒𝐇, 𝐋𝐢𝐜.𝐃𝐢𝐫, 𝐌𝐃, 𝐌.𝐀𝐏, partisipa iha reuniaun Koordenasaun Konsellu Nasionál Organizadór Prezidénsia ASEAN (ACNOC, sigla Portugés) 2029, iha Salaun Nobre Ministériu Negósius Estranjeirus no Kooperasaun (MNEK).

Reuniaun ne'e lideradu husi Vise Primeiru-Ministru, Ministru Koordenador ba Asuntu Ekonómikus no Ministru Turizmu no Ambiente "𝐃𝐚𝐭𝐨 𝐒𝐞𝐫𝐢" 𝐅𝐫𝐚𝐧𝐜𝐢𝐬𝐜𝐨 𝐊𝐚𝐥𝐛𝐮𝐚𝐝𝐢 𝐋𝐚𝐲.

𝐎𝐛𝐣𝐞𝐭𝐢𝐯𝐮 𝐡𝐮𝐬𝐢 𝐫𝐞𝐮𝐧𝐢𝐚𝐮𝐧 𝐧𝐞'𝐞 𝐚𝐭𝐮 𝐫𝐞𝐟𝐨𝐫𝐬𝐚 𝐤𝐨𝐨𝐫𝐝𝐞𝐧𝐚𝐬𝐚𝐮𝐧 𝐞𝐧𝐭𝐫𝐞 𝐞𝐧𝐭𝐢𝐝𝐚𝐝𝐞 𝐬𝐢𝐫𝐚 𝐧𝐞'𝐞𝐛𝐞́ 𝐞𝐧𝐯𝐨𝐥𝐯𝐞 𝐢𝐡𝐚 𝐩𝐫𝐞𝐩𝐚𝐫𝐚𝐬𝐚𝐮𝐧 𝐏𝐫𝐞𝐳𝐢𝐝𝐞́𝐧𝐬𝐢𝐚 𝐀𝐒𝐄𝐀𝐍 𝐧𝐞'𝐞𝐛𝐞́ 𝐬𝐞𝐢 𝐚𝐬𝐮𝐦𝐢 𝐢𝐡𝐚 𝐭𝐢𝐧𝐚𝐧 𝟐𝟎𝟐𝟗, 𝐡𝐨𝐝𝐢 𝐠𝐚𝐫𝐚𝐧𝐭𝐞 𝐚𝐛𝐨𝐫𝐝𝐚𝐠𝐞𝐦 𝐢𝐧𝐭𝐞𝐠𝐫𝐚𝐝𝐮 𝐧𝐨 𝐞𝐟𝐢𝐜𝐚𝐳 𝐛𝐚 𝐩𝐫𝐨𝐬𝐞𝐬𝐮 𝐢𝐦𝐩𝐨𝐫𝐭𝐚𝐧𝐭𝐞 𝐬𝐢𝐫𝐚 𝐧𝐞'𝐞𝐛𝐞́ 𝐢𝐡𝐚 𝐫𝐞𝐥𝐞𝐯𝐚́𝐧𝐬𝐢𝐚 𝐧𝐚𝐬𝐢𝐨𝐧𝐚𝐥 𝐧𝐨 𝐫𝐞𝐣𝐢𝐨𝐧𝐚́𝐥.

Iha diskursu Vise Primeiru-Ministru, hateten importánsia kolaborasaun interministeriál no mobilizasaun rekursus apropriadu atu asegura Timor-Leste nia preparasaun diak atu asumi Prezidénsia ASEAN. Nia subliña mos nesesidade atu reforsa parseria internasionál, liu-liu iha área edukasaun, justisa, seguransa interna no ospitalidade, hodi konsolida kapasidade no garante susesu Prezidénsia.

Reuniaun ne'e hetan partisipasaun másimu husi Vise Primeiru-Ministru, Ministru Koordenador ba Asuntu Sosiais no Ministru Dezenvolvimentu Rurál no Abitasaun Komunitária, Ministru no Vise Ministru Komérsiu no Indústria hamutuk ho membru Governu seluk, ida ne'e hatudu prova no kompromisu institusionál atu asegura Timor-Leste bele dezempeña papél lideransa efikaz no kredível iha ASEAN.