Darwin, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed hamutuk ho ekipa delegasaun hala'o sorumutu ho Ministru ba Komérsiu, Negósiu no Relasaun Aziátiku, Edukasaun Internasionál no Populasaun, Dezenvolvimentu forsa traballu Fabrikasaun Avansadu Labarik no Família sira, Protesaun Labarik Prevensaun ba Violénsia Doméstika, sra Robyn Cahil OAM, hodi koalia konaba kooperasaun servisu hamutuk liuliu ba programa Eskema PALM.

Iha diskusaun Sekretáriu Estadu hato'o ninia intervensaun hateten, Norte Territóriu nu'udar parseiru estratéjiku hodi habelar kooperasaun Eskema PALM nian.

"Ohin ha’u iha ne’e tanba Governu Timor-Leste haree Norten Territóriu nu’udar parseiru estratéjiku primáriu. Enkuantu ami haree ona susesu boot liuhosi eskema PALM, ami fiar katak tempu loos ona atu habelar ami nia kooperasaun ba orizonte foun sira ne'ebé diretamente apoia ita-boot nia governu nia vizaun ba kreximentu ekonómiku."

Timor-Leste preparadu atu halo parte ba solusaun no agradese nia ida ne’e bele integra iha dezenvolvimentu teritoriu ba Timoroan sira atu servisu iha laran. ita viziñu no belun. agradese karik espasu serbisu iha área transporte no saúde bele loke ba traballadór timoroan sira iha tempu badak. Ha'u propoin atu ita estabelese enkuadramentu formál ida ba Rekoñesimentu Abilidade sira no Sertifikasaun Duplu.

"Ita-nia graduadu sira husi CNFP iha Dili posui abilidade fundamentál ne’ebé forte. Hodi aliña ami nia formasaun profisionál iha ofísiu sira hanesan soldadura, serbisu elétriku, karpintaria, no kanalizasaun ho padraun Austrália nian, ami bele fornese "prontu ba serbisu" ba ita-boot nia projetu infraestrutura no mineiru sira."