Covalima loron 17, fulan-Abril, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed hamutuk ho Vise-Ministru Infrastrutura, Sua Exelênsia Julio do Carmo no Sekretáriu Estadu Dezenvolvimentu Lokal, Sua Exelênsia Mateus W. dos Santo Tallo, Prezidente Autoridade Munisípiu Covalima, hodi hala'o Inaugurasaun ba Edifisiu Foun no Sentru formasaun Lian Inglês no distribusi sentrifikadu ba formandu sira iha Munisípiu Covalima.

Iha serimònia Sekretáriu Estadu hateten, governu-liuhosi SEFOPE nia politika mak Lori formasaun husi Nasionál to'o Munisípiu atu nune'e sira bele asesu direta.

"politika XI Governu nian mak lori ona sentru formasaun mai to'o iha munisipiu, Jovem sira mak tenke uza oportunidade ida ne'e ho diak, atu imi asesu direta, hodi nune'e prepara imi ba merkadu" hateten Sekretáriu Estadu iha nia diskursu.

Sekretáriu Estadu fundamenta katak, aliende SEFOPE haruka Jovem sira ba Nasaun Austrália Korea no Nova Zelândia, SEFOPE mós haruka Jovem sira ba aprende TIT iha japaun no tempu badak ba mós nasaun Vietnam.

"Ita prepara jovem sira ba servisu iha Austrália, Korea, Nova Zelândia no ita mós haruka ita nia Jovem sira ba Aprende TIT iha Japaun, la kleur tan ita sei selebra MoU ho Governu Vietnam, hodi haruka ita nia Jovem sira ba aprende TIT iha nasaun refere" haktuir Sekretáriu Estadu.

Sekretáriu Estadu mós kongratula ho Formandu sira, ho esperansa boot ba formandu sira tenke update profile atu nune'e bele partispa iha Markadu rai liur.

"alin formandu sira parabens ba imi,ne'ebé mak pasa ona iha formasaun ida ne'e, durante fulan tolu, ita boot sira sei ba update profile iha sistema atu imi bele hetan oportunidade ba servisu iha Austrália no Nova Zelandia" tenik Sekretáriu Estadu

"Ami agradese ba PAM ne'ebé mak oferese ona rai ida ne'e, hodi ita bele hari sentru formasaun ida ne'e atu nune'e bele fo espasu ba joven asesu ba empregu rai laran no rai liur." Dehan hodi taka.