𝗗𝗶𝗹𝗶, 𝟭𝟲 𝗔𝗯𝗿𝗶𝗹 𝟮𝟬𝟮𝟲

Ministru Obras Públikas, Samuel Marçal hamutuk ho Ministru Transportes no Komunikasaun, Miguel Marques Gonçalves Manetelu, Ministru Planeamentu no Investimentu Estratéjiku, Gastão Francisco de Sousa akompaña husi Vise-Ministra Finansas, Regina de Jesus, aprezenta progressu ezekusuan orsamentu 2025 trimestre IV,Ministériu Obras Públikas (MOP) Ministériu Transportes no Komunikasaun (MTK) ho Planeamentu no Investimentu Estratéjiku (MPIE) bá Parlamentu Nasionál Komisaun C, iha sala plenária PN, kinta-feira ne'e.

Objetivu husi audensia ne’e mak aprezenta progresu ezekusaun orsamentu Trimestre IV tinan 2025. Audiénsia ne'e sai nu'udar parte husi knaar foti desizaun no fiskalizasaun hodi garante katak fundu estadu nian uza ho transparénsia no tuir planu ne'ebé iha.

Entretantu iha sesaun husu no hatan ligadu ho uma kain hirak ne’ebé afeitadu bá alargamentu estrada, Ministru Obras Públikas subliña katak prosesu sira-ne'e bazeia ba estudu tékniku no kumprimentu ba rekizitu legál sira no uma kain sira ne’ebé afeitadu hetan hotu indeminizasaun ne'ebé justu.

Iha aprezentasaun orsamentu MOP nian Ministru Obras Públikas akompaña husi Diretór Jerál Administrasaun no Finansas, Kargu Xefias no instituisaun tutelada sira.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣*