𝗠𝗮𝗹𝗶𝗮𝗻𝗮, 𝟭𝟴 𝗔𝗯𝗿𝗶𝗹 𝟮𝟬𝟮𝟲

Primeiru-Ministru Kay Rala Xanana Gusmão ofisialmente inaugura projetu rehabilitasaun estrada urbana iha Maliana Villa, Munisípiu Bobonaro, iha Rotunda Malia na Vila, loron-sábadu ne'e.

Iha diskursu inaugurasaun estrada Maliana, Primeiru Ministru Xanana, hateten infraestrutura bázika hanesan estrada ho ponte sai elementu importante bá dezenvolvimentu nasionál. Alende ne'e estrada ida ne'e mós bele fasilita populasaun husi área rurál hodi lori sira nia produtu bá faan iha merkadu atu nune'e bele hasa’e kreximentu ekonomíku munisipál no nasionál.

"Estrada ne'e sei fó oportunidade bá ema sira iha aldeia atu liga ho sira-nia suku, husi suku to'o postu administrativu to'o nível munisipiu no bá fatin seluk, ohin imi kontenti tanba estrada di'ak ona, iha fatin seluk kondisaun estrada seidauk no kompañia foin mak atu hahu'u halo servisu," hateten PM Xanana iha diskursu

Iha biban ne'e, governu mós entrega sertifikadu apresiasaun bá kompañia Hutama Karya, Bina Mitra inklui konsultan sira ne'ebé durante ne'e superviziona konstrusaun estrada Maliana.

Entretantu projetu rehabilitasaun estrada urbana Maliana Villa Pakote I no II, ezekuta husi empreza internasionál Hutama Karya no Bina Mitra.

Iha inaugurasaun estrada ne"e PM Xanana akompaña husi Ministru Obras Públikas, Samuel Marçal, Vise-Ministru Asuntu Parlamentar, Adérito Hugo da Costa, Sekretriu Estadu Eletrisidade. Aguá no  Saneamento, Santos Noronha,delegasaun husi Embaixada Indonesia, Embaixada Malaysia, Deputada, Maria Gorumali Barreto, autoridade munisípiu Bobonaru no autoridade lokál, reprezentante igreja katolika, komunidade no estudantes sira.

https://sdi.gov.tl/ministerio/presrealease/create 

*𝗠𝗶́𝗱𝗶𝗮-𝗠𝗢𝗣*