𝗗Í𝗟𝗜, 𝗠𝗝 — 𝗦𝗲𝘀𝘁𝗮-𝗳𝗲𝗶𝗿𝗮, 𝟭𝟳 𝗔𝗯𝗿𝗶𝗹 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, prezide ofisiálmente enkontru Konsellu Konsultivu Ministériu Justisa, ne’ebé realiza iha sala edifísiu prinsipál Ministériu Justisa, Colmera, Díli.

Objetivu prinsipal hosi reuniaun ne’e maka atu halo aprovasaun ba akta reuniaun dahuluk nian, tuir fali ho aprovasaun ba ordem do dia nian. Iha oportunidade hanesan, Diresaun Jeral Polítika Justisa (DGPJ sigla Portugés) aprezenta dahuluk kona-ba asuntu relevante sira iha área polítika justisa ninian.

Diresaun Jeral Administrasaun (DGA sigla Portugés) fundamenta téknika atu halo análize kle’an kona-ba situasaun atuál Guarda Prizionál Timor-Leste nian. Alem de ne’e, diskute no avalia atividade dezenvolvimentu programa servisu hosi Diresaun Jeral Terras no Propriedades, ne’ebé aprezenta husi dirijente sira hosi Diresaun Jeral Terras no Propriedades.

Iha Konsellu Konsultivu ne’e realiza bazeia ba dispozisaun legal sira ne’ebé previstu iha númeru 3 hosi Artigu 35, Dekretu-Lei Nú. 52/2023, loron 1 fulan-Setembru, kona-ba Lei Orgánika Ministériu Justisa, hodi garante funsionamentu instituisionál ne’ebé efetivu, transparénsia no responsabilidade iha implementasaun politika públika iha setor justisa.

Reuniaun ne’e, partisipa husi Defensora Públika Jerál-Adjunta, Diretora interinu PSIK, Diretór Interinu Centro de Formação Jurídica e Judiciária (CFJJ), reprezentante Prezidente CTP, Inspetora Gabinete Inspesaun no Auditoria, Diretor Jeral Polítika Justisa, Diretor Jeral Administrasaun, Diretor Jeral Terras no Propriedades, Diretor Jeral Servisu Rejistu no Notariadu. Xefe Unidade Arrendamentu Bens Imóveis no Diretór Nasionál sira hotu, iha Âmbitu Ministériu Justisa.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #