𝐃𝐢𝐥𝐢, 𝟏𝟔 𝐀𝐛𝐫𝐢𝐥 𝟐𝟎𝟐𝟔; Vise-Ministru ba Operasionalizasaun Ospitál (VMOH-sigla portugés), 𝐝𝐫. 𝐅𝐥á𝐯𝐢𝐨 𝐁𝐫𝐚𝐧𝐝ã𝐨 𝐌𝐞𝐧𝐝𝐞𝐬 𝐝𝐞 𝐀𝐫𝐚ú𝐣𝐨 hamutuk ho kuadrus ezukutivus Ministériu Saúde hala’o enkontru koordenasaun ho ekipa tékniku enjeñeru hosi Ministériu Obras Públiku liu hosi Dirasaun Nasionál ba regulasaun Bee no Saneamentu Sr. Marcolino de Jesus da Costa Babo ho ekipa, iha salaun palásiu das Cinzas, Caicoli, hodi halo aprezentasaun kona-bá Mapamentu perfurasaun no kanalizasaun Bee moos ne'ebe razoavel ba fornesimentu ne’ebé adekuadu ba Ospitál Rejionál no Ospitál Referál, inklui sentru internamentu ataúro.

Aleinde halo aprezentasaun sorin seluk halo mós diskusaun no mós intervensaun sira hosi diretór ospitál rejionál no diretór ospitál referál sira liu liu kona-bá asuntu bee nian.

Enkontru koordenasaun ne’e prezensa mós hosi Diretór Ospital Rejionál no Referál, ekipa tékniku enjeñeru hosi Ministériu Obras Públiku, kuadrus ezekutivus ministériu saúde no mós kovidadus sira seluk.