𝐃Í𝐋𝐈-𝐒𝐞𝐱𝐭𝐚,𝟏𝟕/𝟎𝟒/𝟐𝟎𝟐𝟔,

𝘔𝘪𝘯𝘪𝘴𝘵é𝘳𝘪𝘶 𝘍𝘪𝘯𝘢𝘯𝘴𝘢𝘴 𝘭𝘪𝘶𝘩𝘶𝘴𝘪 𝘒𝘰𝘮𝘪𝘴á𝘳𝘪𝘶 𝘈𝘶𝘵𝘰𝘳𝘪𝘥𝘢𝘥𝘦 𝘈𝘥𝘶𝘢𝘯𝘦𝘪𝘳𝘢 (𝘈𝘈) 𝘚𝘳. 𝘑𝘰𝘢𝘯𝘪𝘤𝘰 𝘗𝘪𝘯𝘵𝘰, 𝘩𝘢𝘮𝘶𝘵𝘶𝘬 𝘩𝘰 𝘫𝘦𝘴𝘵ó𝘳 𝘴𝘪𝘳𝘢, 𝘳𝘦𝘢𝘭𝘪𝘻𝘢 𝘦𝘯𝘬𝘰𝘯𝘵𝘳𝘶 𝘩𝘰 𝘈𝘴𝘰𝘴𝘪𝘢𝘴𝘢𝘶𝘯 𝘋𝘦𝘴𝘱𝘢𝘹𝘢𝘯𝘵𝘦 𝘈𝘥𝘶𝘢𝘯𝘦𝘪𝘳𝘢 𝘛𝘪𝘮𝘰𝘳-𝘓𝘦𝘴𝘵𝘦 (𝘈𝘚𝘋𝘈𝘛𝘐𝘓) 𝘩𝘰 𝘔𝘦𝘮𝘣𝘳𝘶𝘴 𝘴𝘪𝘳𝘢 𝘪𝘩𝘢 𝘴𝘢𝘭𝘢 𝘳𝘦𝘶𝘯𝘪𝘢𝘶𝘯 𝘔𝘪𝘯𝘪𝘴𝘵é𝘳𝘪𝘶 𝘍𝘪𝘯𝘢𝘯𝘴𝘢𝘴, 𝘈𝘪𝘵𝘢𝘳𝘢𝘬-𝘭𝘢𝘳𝘢𝘯.

Objetivu Husi Enkontru Ne’e Komisáriu (AA) fahe Informasaun no Relatoriu husi rezultadu Avaliasaun no Monitorizasaun ekipa AA nian ba despaxante (broker) sira atu hatene no akompanha.

Avaliasaun ne’e foin primeira vez halo Hafoin tinan 10 resin broker sira Nia Ezisténsia hodi presta servisu ba Publiku no fasilita komersiu sira. Husi Avaliasaun refere mak ita detekta no identifika issue no Inkumprimentu lubun Ida husi Despaxante sira hanesan :

Kuaze Laiha Eskritóriu Permanente Hodi Utiliza Ba Halo Atendimento. Fasilidades No Ekipamentus Ba Halo Servisu Hanesan Komputador, Printer, Meza, Kadeira No Espasu Atendimentu Laiha. Barak Kuaze Laiha Funsionáriu/Trabalhadór No Balun Funsionáriu/Trabalhadór Iha Maibe Kontratu Servisu Laiha. Atendimentu balun hala'o de'it liuhusi online ka iha veíkulu laran, la iha fatin fiksu. Licensa Ne’ebé Atribui Antes Laiha Prazu No Data Limite.

Aleinde ne’e balun Share Fali Kredensial/User Ba Malu Atu Asesu Na Sistema Hodi Halo Prosesu Sira. Kuaze Laiha Osan Garantia Bancária. Barak La Rejistu Iha ASDATIL Nudar Membrus. Funsionáriu/Trabalhadór Sira Kuaze Laiha Koinesimentu Tekniku Prosesual No HS Code. Laiha Diploma Hodi Define Tarifa/Fees Ba Despaxante Sira Bainhira Presta Servisu. Despaxante Balun Depois Hetan Tiha Lisenca Nunka Ativu Too Agora. Iha Tendencia Monopólio No Ladun Transparente. Kbiit atu jere arkivu seidauk di'ak ka la iha duni arkivu ne'ebé maktuir regra.

Refere ba Pontu situasaun ne’ebé identifikadu mak Komisáriu Autoridade Aduaneira hateten “Tuir Politika, Prioridades husi IX Governu Konstitusional iha ambitu Reforma Fiskal” maka ba oin AA sei halo revizaun hodi kuriji no introdus Regras no Kriteriu ida forte hodi kontrola no regulariza operacionalidade Despaxante sira nian.

Ba oin AA sei Define no Regulariza Despaxante sira ho introdusaun regras foun mak hanesan tuir mai ne’e, sei husu ba Despaxante sira Hotu atu Rejistu foun ho kriteriu rejistrasaun hanesan:

Dokumentus Tenke Kompletu No Rejistradu/Certificado Husi Ministeriu Relevantes, Submete, Dokumentus Kompletu Sira Ne’e Mai AA. Despaxante Tenke Iha Eskritóriu Permanente. Despaxante Nia Eskritóriu Tenke Iha Fasilidades Suportado Sira Hanesan Komputador, Laptop, Printer, Meza, Kadeira, Armariu Arquivo, Internet No Fatin Ba Halo Atendimentu Klientes.

Tenke Iha Funsionáriu/Trabalhadór No Sira Nia Kontratu Halo Tuir Lei Trabalhu Tenke Iha Konta Bancária No Osan Grantia Iha Konta Tuir Lei Haruka. AA Sei Kria Tabela No Diploma Legal Hodi Regulariza Aplikasaun Tarifa Ba Despaxante Sira. Pagamentu Tarifa/Fees Tenke Liu Husi Transferência Direta Ba Konta Bancária No Evita Pagamentu Ho Tipu Cash. Sei Halo Formasaun No Treinamentu Ba Funsionáriu/Trabalhadór Sira Kona Ba Regras No Prosedimentu, Sistema, No HS Code.

Kada Tinan Sei Halo Avaliasaun Desempenho Ba Despaxante Sira. Despaxante Tenke Rejistu No Sai Membrus Ba ASDATIL. Despaxante Sei Produz Relatoriu Aktividade Kada Trimestral Haruka Ba ASDATIL No AA. Sei Fó Oportunidade Foun Ba Timoroan Sira Interesse. Licença Operasaun Despaxante Validu Deit Ba Tinan Rua No Sujeitu Ba Avaliasaun Annual. Durante Halao Atividade Mak Despaxante Ida Komete Irregularidade Hodi Afeta Ba Segurança Nasional No Soberania Estado Mak Sei Hasai Ninia Lisensa.

Komisariu Reintera Importansia reforma ne'e halo parte husi Modernizasaun Aduaneira hodi fasilita komérsiu internasionál no hametin integridade iha fronteira. Medidas sira introduz iha Reforma ne’e atu kuriji no buka hadian tiha failansu sira akontese nune’e obrigatoriu atu Despaxante sira kumpri tuir no ba sira ne’ebé la kumpri Alfándega sei hapara lisensa operasaun.

Reuniaun ne’e hetan prezensa masimu husi jestór no funsionáriu sira iha Autoridade Aduaneira, Jestór no membru sira ne’ebé hamahan an iha ASDATIL.

#Foto #Ekipa #Media #Ministériufinansas