20 Abril 2026: Ministériu Saúde (MdS) hamutuk ho Ekipa Cluster 3 Kompostu hosi Diresaun Nasionál Farmasia Médikamentu (DNFM), Diresaun Nasionál Ekipamentu Médiku (DNEM) no reprezentante ofisiál Diretor Jerál Kuidade Saúde Primária (DJKSP), partisipa iha iha enkontru Asosiasaun Nasaun Sudeste Aziátiku (ASEAN) nian, durante loron rua (2) hahú husi loron 20 to’o 21 Fulan Abril tinan 2026, Iha Tokyo, Japaun.

Objetivu husi enkontru ne’e hare ba diskusaun importante kona-ba Pharmaceuticals and Medical Devices Agency (PMDA) Reliance, no mós selebra aniversáriu PMDA ba dala-10.

Iha loron daruak, ekipa kontinua partisipa iha konferénsia Asia Partnership Conference Pharmaceutical Association (APAC), ne’ebé diskute koperasaun rejionál iha área farmaséutika.

Prezensa Timor-Leste iha eventu internasionál ne’e hatudu kompromisu forte atu haforsa sistema regulasaun medikamentu no promove kolaborasaun ho parseiru rejionál no globál.

#MídiaPalácioDasCinzas