𝐃𝐢𝐥𝐢 𝟐𝟏 𝐀𝐛𝐫𝐢𝐥 𝟐𝟎𝟐𝟔-Ministru Komérsiu no Indústria, Sr. Nino Pereira simu bainaka husi Diretór organizasaun ema ho defisiensia, Klibrur dezenvovlimentu Sustentabilidade Timor oan iha knaar fatin Gabinete Ministru.

Objetivu husi enkontru, atu konvida Ministru atu hola biban partisipa iha selebrasaun loron nasionál ba ema ho defisensia ne’ebé sei realiza iha Munisípiu Suai Covalima, liuhusi eventu ferias ba ema ho defisiensia ne’ebe sei realzia iha loron 4 Juñu 2026.

Ministru tau konsiderasaun katak, eventu komemorasaun Loron Nasionál ne’e importante hodi selebra no valoriza Loron Nasionál ba ema ho defisiénsia, tanba eventu ida ne’e la’ós de’it fó rekoñesimentu ba sira nia direitu no kontribuisaun iha sosiedade, maibé mós promove inkluzaun sosial, igualdade no respeitu ba dignidade umana. Liuhusi komemorasaun ida ne’e, bele hametin liu tan konsiénsia públika atu fó apoiu no asegura partisipasaun plena husi ema ho defisiénsia iha prosesu dezenvolvimentu nasionál.

𝙈é𝙙𝙞𝙖 𝙈𝘾𝙄