RAEOA, 20 Abríl 2026

Ministru Transportes no Komunikasaun, Eng.Miguel Marques Gonçalves Manetelu, Segunda ne’e partisipa reuniaun KAFI iha salaun RAEOA.

Iha nia entrevista Ministru Manetelu subliña reuniaun iha RAEOA iha rua, ida mak reuniaun KAFI no reuniaun FED, fundu ida autoridade RAEOA.

Ministru Manetelu bá jornalista sira hateten enkontru KAFI ne’e atu deside projetu sira iha liña Ministériu sira.

“Enkontru KAFI ne’e hodi haree projetu lubuk ida, iha liña ministeriais sira hanesan ministériu saúde, ministériu ensinu superior, ministériu obras públika, tanba membru KAFI ha’u tenke mai, se lae ohin lá prienxe koru, tanba esélensia ministra finansas laiha membru KAFI ema nain haat, ohin ami nain tolu. Exeptu esélensia Ministra Finansas maka laiha, ami nain tolu prienxe koru par atu foti desizaun ruma bá desizaun KAFI nian” dehan Ministru Manetelu.

Hafoin enkontru KAFI Ministru Manetelu kontinua hala’o enkontru ho funsionáriu Aeroportu Rota do Sãndalo no DNTT.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊