RAEOA, 21 Abríl 2026

Ministru Transportes no Komunikasaun, Eng.Miguel Marques Gonçalves Manetelu, hala’o enkontru ho funsionáriu sira aeroportu rota do sândalo RAEOA no DNTT Segunda ne’e iha aeroportu rota do sandâlo RAEOA.

Iha enkontru ne’e Ministru manetelu informa prosesu sertifikasaun bá aeroporu internasionál rota do sândalo lao hela maibé iha kestaun polítiku ne’ebé ligadu entre Timor-Leste no Indonézia.

“Ita hatene katak prosesu sertifikasaun bá aeroportu ne’e lao hela mas iha kestaun tékniku mais polítiku, ida ne’e ligadu bá ita nia soberania kona-bá espasu aero, tanba ita nia tasi timor seida’uk determina prosesu ne’e lao hela, fronteira aero ne’e husi tasi ita to’o iha ne’ebé, tiru sae. ita nia fronteira aereo ne’e to’’o iha ne’ebé, se batas ne’e ita dada tama bá sekian mil. Defini ona ita nia to’o iha ne’ebé" dehan Ministru Manetelu.

Ministru Manetelu subliña fronteira aero atu liga bá movimentasaun aviaun nia, tanba ne’e mak prosesu ida ne'e halo autoridade aviasaun sivíl atu asina dokumentus ne’e sira reseu oituan, dokumentus ne’e dokumentus tékniku maibé nia impaktu ne’e, laos politika de’it maibé bá ita nia soberenia, tanba ne’e mak ha’u lori dokumentus ne’e, ANATL no AACTL sei halo kooperasaun ho parte ministériu perhubungan indonézia nia tanba ita husu bá sira, atu halo dezeñu bá espasu aero nia.

Ministru Manetelu subliña seida'uk iha definisaun liña fronteira aero entaun sira (Indonézia,) hola milla hitu (7) deit, bainhira aviaun ruma atu tun iha aeroportu ne’e, iha situasaun hanesan udan boot anin boot maka aviaun labele tun nia fila fali bá, nia fó volta ne’e to’o fali iha ne’ebé, nia haleu iha laten ne’e to’o iha ne’ebé, tanba oekuse haleu bosok, sai bosok de’it iha ona ema nia teritóriu, prosesu ida ne’e maka halo prosesu sai naruk. Tanba ne’e mak husu bá populasaun atoni sira kalma oituan tanba desizaun tékniku laos fó impaktu bá ita nia soberania.

https://sdi.gov.tl/ministerio/presrealease/create 

𝐌𝐞́𝐝𝐢𝐚 𝐌𝐓𝐊