22 Abril 2026: Vise-Ministru ba Fortalesimentu Institusionál Saúde (VMFIS) Sr. José dos Reis Magno Lic.SP, MM partisipa iha Serimónia Entrega Patrimóniu Doasaun Husi Embaixada Autralia/ Department of Foreign Affairs and Trade (DFAT) ba Ministériu Saúde (MdS), Iha Salaun Enkontru, Palácio Das Cinzas, Caicoli.

Iha VMFIS Diskursu hatete” ho sentidu haksolok no responsabilidade neʼebé kle'an, ha’u diriji enkontru importante ida ne'e, hodi simu doasaun patrimóniu husi Governu Austrália ba MdS, liuhusi DFAT. Doasaun patrimóniu ida ne'e ho objetivu atu reforça implementasaun programa Saúde, no fokus espesiál iha munisípiu Díli, Ermera, no RAEOA.

VMFIS hato’o obrigadu neʼebé kle'an ba Governu Austrália no DFAT ba apoiu kontinua, konsistente no estratéjiku ne'ebé kontinua fó setór Saúde iha Timor- Leste (TL). Doasaun patrimóniu ida ne'e la'ós de'it kontribuisaun materiál, maibé reprezenta reforsu konkretu ba kapasidade institusionál sistema nasionál saúde, liuliu ba fortalesimentu Kuidados Saúde Primária (KSP), hodi permite hadi'a kualidade no proximidade prestasaun servisu ba ita nia populasaun.

Ha’u mós hakarak rekoñese kontribuisaun importante hosi ita nia parseiru internasionál sira, liuliu United Nations Population Fund (UNFPA) no neʼebé sira nia Organizasaun Mundial Saúde (OMS-TL), kolaborasaun sai fundamental ba fortalese politika, programa no intervensaun saúde iha ita nia país.

Doasaun patrimóniu ida ne'e iha importánsia estratéjika boot, tanba sei kontribui diretamente ba:

Reforsu kapasidade operasionál servisu saúde iha munisípiu tolu neʼebé temi ona nune'e mos ba Servisu Sentrais MdS nomeadamente Diresaun Nasional Ekipamentus Medikus (DNEM), Diresaun Nasional Farmasia no Medicamentus (DNFM), Gabinete Politicas, Kooperasaun no Desenvolvimentu Saúde (KDS), Unidade ASEAN, Diresaun Nasional Prevensaun no Kontrolu Doensas (DNPKD) (ba Unidade Mentál), Institutu Nasional Farmásia no Produtus Médiku (INFPM), no Institutu Nasionál Saúde Públika (INSP-TL).

VMFIS mós reafirma katak MdS kontinua komprometidu ba melloria kontínua sistema saúde nasionál, servisu hamutuk ho ita nia parseirus dezenvolvimentu hotu, hodi garante servisu saúde ne'ebé mais asesível, resistente no orientadu ba nesesidade populasaun nian.

Hodi MdS no Governu TL nia naran, ha’u hato'o obrigadu ne'ebé kle'an ba Governu Austrália, DFAT no parseirus sira hotu ne'ebé kontinua fo apoiu ba MdS ne’ebé fo nafatin konfiansa ba ita nia governu.

Aproveita mós atu rekoñese empenhu ekipas tékniku nasionál, Munisípiu no Lokál, ne'ebé sira nia dedikasaun sai fundamental atu transforma apoiu ida ne'e ba rezultadu konkretu ba ita nia povu.

Partisipa iha serimónia ne’e mak Embaixador Austrália iha Timor-Leste, Representante DFAT Representante UNFPA, OMS-TL Diretór Jerál no Nasionál, Xefi Departamentu husi Mds no Seluk-seluk tan.

#MídiaPalácioDasCinzas