OEKUSI, Loron 20 Fullan Abríl Tinan 2026

Ministru Planeamentu Investimentu Estratéjiku (MPIE), Atuál Prezidente Konsellu Administrasaun Fundu Infraestrutura (KAFI), S.E.Gastão Francisco de Sousa, iha segunda ne'e, realiza reuniaun daruak ho membru KAFI sira iha Rejiaun Administrativa Espesiál Oekusi Ambeno (RAEOA) no konsege aprova projetu emerjénsia 30-resin inklui monumentu Lifau no Jardin Oébau. "Reuniaun KAFI ne'e, atu aprova autorizasaun despeza bá projetu saúde sira-nian, Ministériu Ensinu Superiór, MOP no projetu balun ne'ebé durante ne'e Primeiru-Ministru la'o bá podér lokál haree eskola no postu saúde presiza urjente tebes, ne'e mak ami aprova iha reuniaun ne'e," nia hateten bá jornalista sira iha salaun Konvensaun Palaban Oekusi, ohin.

Governante ne'e, informa mós katak, iha reuniaun daruak ne'e, aprova mós rezultadu projetu sira-ne'ebé halo ona konkursu pübliku, ne'e dehan katak, aprova tiha ona, nune'e entidade judikál sira bele asina kontratu no hala'o obra sira bá oin, "Mak ida ne'e de'it, ohin laiha desizaun bá projetu foun ruma," nia afirma.

Nia esplika, projetu ne'ebé aprovadu iha reuniaun ne'e, mak hanesan Institutu Politéknika Betanu (IPB) atu hahú ona konstrusaun tenke asina ona kontratu ho Governu, estrada husi Oéleu bá Lolotoe iha munisípiu Bobonaru tempu-badak sei asina ona kontratu inklui sira seluk, balun bá postu saúde no projetu balu presiza re-dezeñu no mós irigasaun Karau-Ulun.

"Ne'ebé, ohin aprova projetu bá saúde nian 24 ne'e mós autorizasaun despeza, re-dezeñu tolu, ne'ebé ohin ami konsege aprova projetu 30-resin balu iha Oekusi hanesan Monumentu Lifau, Jardím Oébau ho tan morru protesaun bá ponte Noefefan, ne'ebé Lifau posibilidade tenke rehabilita," nia hateten.

Ministru Transporte no Komunikasaun (MTK), Miguel Manetelo, nu'udar membru KAFI konsidera aprovasaun bá projetu 30-resin.

Entretantu, membru KAFI ne'ebé partisipa iha reuniaun ne'e, mai husi Ministru Ensinu Superior Siénsia no Kultura (MESSK), Ministra Saúde, Ministériu Obra Públika, Ajénsia Dezenvolvimentu

Nasionál (ADN,I.P),

Autoridade Nasionál Komunikasaun (ANC) no seluktan.

https://sdi.gov.tl/ministerio/presrealease/create  

Média MPIE