Dili, 23 - 2026 - Ministeriu edukasaun liuhusi Diresaun nasionál edukasaun inkluzivu no asaun sosial eskolar hetan apoiu materiál konstrusaun eskola nian husi parseriu plan internasionál hodi ajuda emerjensia ba eskola sira ne'ebé hetan estragus husi klimatika.

Diretór Nasionál Edukasaun Inklusivu no Asaun Sosial Eskolar, Sr. Fernando Soares dehan ministeriu edukasaun servisu hamutuk ho parseriu sira hotu liuliu plan internasionál ne'ebé ohin ofisiálmente entrega materiál konstrusaun eskola nian bazeia ba pedidu ne'ebé iha tinan 2025 ita haruka ba plan internasionál no ohin ita hetan apoiu material konstrusaun eskola nian iha tinan 2026.

" Ministeriu edukasaun fó agradese ba plan internasionál ne'ebé apoiu tanba nesesidade emerjensia ne'ebé ita presiza, apoiu ba iha material sira ne'ebé husi parseriu sira ba ita nia eskola afetadu sira ne'ebé durante iha tempu udan hetan estragus husi anin". Dehan diretór ne'e iha edukasaun vila -verde.

Diretór ne'e akresenta ministeriu edukasaun halo ona indefikasaun ba eskola hirak ne'ebé hetan estragus husi klimatika no ministeriu mós halo ona distribuisaun materiál balun ba ona eskola no balun sei iha faze verifikasaun depois sei halo mós distribuisaun ba eskola sira ne'ebé afetadu tuir proposta ne'ebé iha.

Iha fatin hanesan programa manejer plan internasionál, Sr.Alex Araújo Santos fó agradese ba ministeriu edukasaun tanba plan internasionál hanesan mós parseriu kompremitidu katak atu nafatin kolobora servisu hamutuk bazeia ba koloborasaun servisu antes plan internasionál hahú existe iha timor-leste.

" Plan internasionál nafatin apoiu ba ministeriu edukasaun liuhusi atividade hanesan ofisiálmente ne'ebé ohin entrega materiál konstrusaun eskola nian no pedidu mai husi ministeriu atu responde ba situasaun emerjensia liuliu eskola sira ne'ebé hetan afetadu iha Munisípiu liuliu iha área rurál". Informa programa manejer plan internasionál ne'e

Ohin ofisiálmente plan internasionál entrega materiál konstrusaun eskola nian hanesan Zinc roofing (0.0.325mm) ho nia kuantidade 985 Unidade, Light steel-Channel C 40 unidade, Light steel C-Golding cop spanmur 40 unidade, Roofing screws 10 Box, Tek screws (14-10 x25) 10 Box, Lizu Roll (50 Meters) x5 kuantidade 5 Roll.

#MediaME

# Siga& Reis #