Dili,24 abríl 2026 - Deputadu Dekanu Edukasaun Manorin sira-nian iha Singapura Profesór Lee Ngan Hoe husu manorin tenki haree no kuidadu oan sira hanesan oan rasik atu nune'e hanorin sira ho di'ak hodi prepara ba futuru ida di'ak liu. Lia hirak ne'e hato'o bainhira sai oradór prinsipál iha workshop kona-ba Forum Nasionál ba Manorin 2026, iha salaun City 8 Manleuana.

"Manorin sira nu'udar profesionál ne'ebé kait ho koñesimentu luan, hetan gia husi prátika profisionál ne'ebé bazeia ba étika no valór ne'ebé ezije husi edukadór ida no manorin sira mós iha kbiit hodi hala'o sira-nia kna'ar ho autonomia iha sira-nia profisaun laran hodi lidera mudansa edukasioná, hateke mós ba dezenvolvimentu sira iha nivél nasionál, rejionál no globál", Profesór Lee hato'o iha nia aprezentasaun.

Profesór Lee argumenta, manorin sira simu sira-nia apoiu ba dezenvolvimentu profisionál liuhusi kursu sira, formasaun kontínua, kursu lideransa nomós introdusaun ba protesaun ne'ebé bazeia ba kontestu.

Nune'e iha atividade workshop ba loron daruak ne'e hetan prezensa husi Sua Exelénsia Ministra Edukasaun Dra.Dulce de Jesus Soares, Deputadu Dekanu Edukasaun Manorin sira-nian iha Singapura Profesór Lee Ngan Hoe, Prezidente INFORDEPE Sr Domingos Martins, Profesór no parseiru dezenvolvimentu sira seluk.

#EliasdaCosta

#MédiaME